Konstitusiialyq reforma jönındegı komissiianyŋ bırınşı otyrysynda komissiia müşesı, QR Parlamentı Mäjılısınıŋ deputaty Marat Başimov aldaǧy reformalardyŋ negızgı basymdyqtaryna toqtalyp, olardyŋ ışkı saiasi tūraqtylyqty nyǧaituǧa, memlekettık basqarudyŋ tiımdılıgın arttyruǧa jäne azamattardyŋ qūqyqtaryn qorǧaudy küşeituge baǧyttalǧanyn atap öttı.
«Bügın bızdıŋ köz aldymyzda älemdık tärtıp özgerıp jatyr. Bız ūzaq jyldar boiy tūraqtylyq pen boljamdylyqty qamtamasyz etken halyqaralyq qūqyq normalarynyŋ älsırep jatqanyn körıp otyrmyz. Älem künnen künge tynyşsyz jäne boljauǧa kelmeitın bolyp barady», – dep atap öttı ol.
Marat Başimovtyŋ sözınşe, syrtqy tūraqtylyq myqty ışkı negızsız mümkın emes, sondyqtan Qazaqstanda konstitusiialyq ornqtylyqty qamtamasyz etu erekşe mänge ie bolyp keledı.
Maŋyzdy qadamdardyŋ bırı retınde ol bır palataly Parlamentke köşu dep körsettı, būl joǧary ökıldı organnyŋ jūmys tiımdılıgın arttyrady dep kütılude. Būdan basqa deputat şeteldık zaŋdy tūlǧalardyŋ, şeteldıkterdıŋ jäne azamattyǧy joq adamdardyŋ, şet memleketter men halyqaralyq ūiymdardyŋ, sondai-aq şeteldık qatysuy bar otandyq zaŋdy tūlǧalardyŋ saiasi partiialardy qarjylandyruyna jol bermeu maŋyzdy ekenın atap öttı.
«2026 jylǧy konstitusiialyq reforma adamnyŋ maŋyzdy ekenın, memlekettık saiasattyŋ ortasynda naqty adam, onyŋ qūqyqtary, bostandyqtary men qadır-qasietı tūratyn baǧytty jalǧastyrady. Qūqyqtar men bostandyqtar adamǧa tua berıledı, olar memleket tarapynan berılmeidı. Reformanyŋ negızgı maqsaty – azamattardyŋ konstitusiialyq qūqyqtaryn naqty qorǧaudy qamtamasyz etu jäne memlekettık basqaru sapasyn arttyru», – dep qosty Marat Başimov.
Reformanyŋ negızgı baǧdarlaryn atap öterde, ol Ūlttyq Qūryltaida Prezident jariialaǧan jalpyūlttyq qūndylyqtardy atady: täuelsızdık pen patriotizm, bırlık pen yntymaqtastyq, ädılettılık pen jauapkerşılık, zaŋ men tärtıp, eŋbekqorlyq, käsıbilık, jaŋaşyldyq pen şyǧarmaşylyq.
Marat Başimovtyŋ pıkırınşe, konstitusiialyq reforma Qazaqstannyŋ progressivtı damuyna jaǧdai tuǧyzady, memleket pen qoǧam arasyndaǧy senımdı nyǧaitady, sondai-aq azamattardyŋ konstitusiialyq qūqyqtaryn tiımdı qorǧauǧa mümkındık beredı.
