AQSh-tyń kedendik baqylaý qyzmeti shekarany zańsyz ótpek bolǵandar arasynda Azııa jáne Afrıka qurlyǵynyń azamattary kóp ekenin aıtady. Onyń ishinde 2021-2023 jyldar aralyǵynda Túrkııanyń 30830 azamaty, Mavrıtanııanyń 15594 azamaty, Ózbekstannyń 13624 azamaty, Aýǵanstannyń 6386 azamaty, Mysyrdyń 3153 azamaty bar. Bul tek "lańkestik qaýipke jaqyn" degen tizimdegiler sany, al ol tizimge enbeıtinder sany budan áldeqaıda kóp. Odan bólek myńdaǵan Iran, Irak, Sırııa, Lıvan, Pákistan, Iemen, Iordanııa azamattary ustalǵan.
Shekarany zańsyz kesip ótýdiń baǵyty qalyptasqan. Mıgranttar Azııada Stambul arqyly Madrıdke baryp, keıin keme nemese ushaq arqyly Bogota, Panama nemese Managýaǵa barady. Artynsha olar jaıaý nemese kólikpen Nıkaragýa aýmaǵyn basyp ótip, Gondýrasqa jetedi. Gondýrastan Gvatemalaǵa ótip, Meksıka asady. Artynsha sáti tússe AQSh-qa ótýge talpynys jasaıdy. Olar AQSh jerinde bosqyn statýsyn alyp, keıin grın-karta ıemdenip, jumys isteý quqyǵyna ıe bolýdan úmittenedi. Alaıda bul óte sırek jolyǵatyn sáttilik deıdi mamandar.
Ótken jyly ondaǵan Ózbekstan azamaty AQSh-Meksıka shekarasynda joǵalyp ketti degendi oqyp edim. Bandalar arasyndaǵy atys-shabys qurbany bolyp ketpese ıgi edi. Taǵdyrlary ne boldy eken dep otyrmyn...
