Ózbekstan Ortalyq Azııa elderindegi sý resýrstarynyń tapshylyǵyna qaramastan GES qurylysyn salýdy bastady, dep habarlaıdy "Adyrna" tilshisi Atameken Bızneske siltep.
Ortalyq Azııa elderindegi sý resýrstarynyń tapshylyǵynyń artýyna baılanysty aımaqtyń gıdroenergetıka salasyndaǵy ósip kele jatqan problemalar Ózbekstannyń Namangan oblysyndaǵy Naryn ózeninde GES salýdy bastaýǵa kedergi keltirmedi. Jańa energetıkalyq qýat elge 434 mıllıon dollarǵa túsedi.
Jańa sý elektr stansasynyń jalpy qýaty 228 MVt quraıdy, al josparlanǵan jyldyq elektr energııasyn óndirý kólemi shamamen 1 mlrd kVt/saǵ.
Kórshi Qyrǵyzstanmen shekarada jergilikti óndirilgen tehnologııalar men materıaldar arqyly salynyp jatqan elektr stanııasy respýblıkaǵa jyl saıyn 300 mıllıon tekshe metrden astam tabıǵı gazdy únemdep, 400 myńnan astam úı sharýashylyǵyn energııamen qamtamasyz etýge múmkindik beretini aıtyldy.
Alaıda kórshi el basshylyǵynyń josparlary Qyrǵyzstanda elektr qýatyn óshirip jatqan aımaqtaǵy sý tapshylyǵynyń ay shyndyǵyna qaıshy kelýi múmkin.
Eske salaıyq, Toqtaǵul sý qoımasyndaǵy sý deńgeıiniń tómendigi Qyrǵyzstandaǵy eń iri sý elektr stansasynda elektr qýatyn óndirýdiń qysqarýyna jáne el turǵyndaryn energııamen qamtamasyz etýdiń úzilýine ákeldi.
