Qazaqstan men Resei mektepterınde Ūly Jeŋıske arnalǧan bırlesken baiqau ötkızu josparlanuy mümkın, dep habarlaidy "Adyrna" ūlttyq portaly astanatv-ǧa sıltep.
Būl ideiany Astanada ötken Qazaqstan-Resei ǧylymi forumynda reseilık ǧalymdar ūsynǧan. Astanada ötken Qazaqstan-Resei forumy ekı eldıŋ jetekşı tarihşy ǧalymdary men memlekettık jäne qoǧam qairatkerlerın bırıktırdı. Forum aiasynda «Qazaqstan men Reseidıŋ tarihi ǧylymy: yntymaqtastyqtyŋ bolaşaǧy» taqyrybynda döŋgelek üstel öttı.
Is-şarany L.N. Gumilev atyndaǧy Euraziia ūlttyq universitetı Ūlttyq tarihşylar kongresımen bırlesıp, Ǧylym jäne joǧary bılım ministrlıgınıŋ qoldauymen ūiymdastyrdy. Ekı eldıŋ sarapşylary bırlesken jobalardy talqylap, soŋǧy jyldardaǧy jūmystarynyŋ nätijelerın qorytyndylady.
Jiyn barysynda Qazaqstan men Resei mektepterınde oquşylar arasynda Ūly Jeŋıs taqyrybyna arnalǧan şyǧarmalar baiqauyn ötkızu ūsynysy aityldy. Şeteldık sarapşylardyŋ aituynşa, būl baiqau üşın Qazaqstan tarapymen daiyndalǧan qūjattama qazırdıŋ özınde äzır.
"Ūly Jeŋıske arnalǧan mekteptık jūmystar baiqauyn bırlese ötkızu ūsynyldy. Mūndai baiqaudy bız 2019 jyly sättı ūiymdastyrǧan bolatynbyz. Qazaqstan tarapymen daiyndalǧan baiqau qūjattamasy bar, ärı zertteu taqyryptary boiynşa ūsynystar bar. Sondai-aq şekaralas qalalarda ortaq tarihqa arnalǧan konferensiialar ötkızu turaly ideialar bar. Būdan bölek, Qazaqstan men Resei aimaǧynyŋ damuyna aitarlyqtai üles qosqan belgılı ǧalymdardyŋ rölın zertteu ūsynyldy", - dedı tarihşy Mihail Lipkin öz sözınde.
Ūqsas jaŋalyqtar
