Şymkentte Ūiymdasqan qylmysqa qarsy küres basqarmasynyŋ qyzmetkerlerı Türkıstan oblysynyŋ şeneunıgınen qomaqty aqşa bopsalaǧan käsıpkerdı ūstady. Būl turaly Polisia.kz habarlady, dep jazady "Adyrna" ūlttyq portaly.
Şymkent qalasy PD-ǧa memlekettık mekemelerdıŋ bırınıŋ basşysy jügındı. Er adam onyŋ ıskerlık bedelıne nūqsan keltıretın aqparatty taratamyn dep jeke käsıpker 50 mln teŋge bopsalap otyrǧanyn aitty.
Atalǧan jaitty jedel uäkılder QR QK-nıŋ 194-baby “Qorqytyp alu” boiynşa tırkedı.
Ūiymdasqan qylmysqa qarsy küres basqarmasynyŋ qyzmetkerlerı jedel ıs-şaralar ötkızıp, nätijesınde küdıktınıŋ jeke basyn anyqtady. Ol būryn memlekettık satyp alu boiynşa konkursqa qatysqan megapolis tūrǧyny bolyp şyqty. Alaida ol konkurstan jeŋılıp, jäbırlenuşını kınälaǧan. Ony poliseiler 45 million teŋgenı qolma-qol alu kezınde ūstady. Onyŋ 40 mln teŋgesı jalǧan aqşa boldy.
Küdıktı qamauda. Oǧan qatysty sotqa deiıngı tergeu amaldary jürgızılıp jatyr. Poliseiler ūstalǧan adamnyŋ osyǧan ūqsas basqa da qylmystarǧa qatysy bar-joǧyn tekseredı.
"Adyrna" ūlttyq portaly
Ūqsas jaŋalyqtar
