Studentter ölımınen keiın. QazŪU-da prorektor men dekan jūmystan bosatyldy

263
Adyrna.kz Telegram
https://adyrna.kz/storage/uploads/04N7kHfcvwQY2VPQnL0o0xr0bCvI0jE61Cp5J1w8.jpg

Äl-Farabi atyndaǧy Qazaq ūlttyq universitetınde bırınşı kurs studentınıŋ qazasynan keiın ekı basşy qyzmetınen bosatyldy. Būl turaly bügın, 17 qaraşada oqu ornynyŋ baspasöz qyzmetı mälımdedı, dep habarlaidy «Adyrna».

Universitet äkımşılıgınıŋ mälımetınşe, qaiǧyly oqiǧadan keiın şūǧyl şaralar qabyldanǧan.

«Tärbie jūmysyn aqsatqany, jataqhanadaǧy qauıpsızdık pen tärtıptı tiıstı deŋgeide qamtamasyz ete almaǧany üşın Basqarma müşesı – äleumettık tūraqty damu jönındegı prorektor, geografiia jäne tabiǧatty paidalanu fakultetınıŋ dekany lauazymdarynan bosatyldy», – delıngen universitettıŋ resmi habarlamasynda.

Sonymen qatar qaiǧyly oqiǧa bolǧan künı jataqhanada kezekşılıkte bolǧan jauapty qyzmetkerler jūmystan şettetılıp, olardyŋ äreketterıne qūqyqtyq baǧa berılıp jatyr.

Universitet basşylyǧy studenttıŋ qazasyna bailanysty marqūmnyŋ otbasyna köŋıl aityp, qaiǧysyna ortaq ekenın jetkızdı.

«Bolǧan oqiǧa – universitet qauymy üşın orny tolmas auyr qaiǧy. Studentımızdıŋ qazasy qabyrǧamyzdy qaiystyrdy», – delıngen habarlamada.

Sondai-aq oqu orny marqūmnyŋ otbasymen bailanysta ekenın jäne qajettı qoldau körsetuge daiyn ekenın mälımdedı.

Qazırgı uaqytta barlyq jataqhanada keşkı baqylau küşeitılıp, studentterdıŋ qauıpsızdıgın qamtamasyz etu jäne käsıbi psihologiialyq kömek körsetu boiynşa qosymşa şaralar engızılgen.

Universitet ökılderı tergeu jūmystaryna tolyqtai kömektesıp jatqanyn atap öttı.

«Universitet būl oqiǧaǧa qatysty eşqandai derektı jasyrmaidy, qūqyq qorǧau organdary jürgızıp jatqan tergeuge tolyq kömek körsetude jäne ıstıŋ ädıl, aşyq ötuıne tıkelei müddelı», – delıngen baspasöz qyzmetınıŋ mälımdemesınde.

QR Qylmystyq-prosestık kodeksınıŋ 201-babyna säikes, tergeu qūpiiasyna bailanysty oqiǧaǧa qatysty özge aqparat äzırge jariialanbaidy.

Eske salaiyq, būǧan deiın äl-Farabi atyndaǧy QazŪU-dyŋ 1 kurs studentınıŋ kısı qolynan qaza tapqany, odan būryn 6 qaraşada taǧy 1 kurs studentı ölımı habarlanǧan edı. Atalǧan oqiǧalarǧa bailanysty polisiia qylmystyq ıs qozǧaǧan.

Pıkırler