Qazaqstan Ükımetı 2028 jyldyŋ 31 jeltoqsanyna deiın bırqatar baǧyttar boiynşa biudjet qarajatyn böluge moratorii engızdı, dep habarlaidy "Adyrna" ūlttyq portaly.
Tiıstı qauly küşıne endı
Qūjatqa säikes, atalǧan merzımge deiın respublikalyq jäne jergılıktı biudjetterden äleumettık saladaǧy jaŋa bastamalarǧa, biudjetten tys qorlar qūruǧa, memlekettık organdardyŋ jaŋa äkımşılık ǧimarattary men keşenderın saluǧa jäne satyp aluǧa qarjy qarastyrylmaidy. Erekşelık 2022 jyldan berı qūrylǧan äkımşılık-aumaqtyq bırlıkterdegı nysandarǧa qatysty.
Sondai-aq mädeniet ūiymdarynyŋ jaŋa nysandaryn salu jäne memlekettık satyp alu nätijesınde ünemdelgen qarajatty biudjettık baǧdarlamalardyŋ äkımşılerı men kvazimemlekettık sektor subektılerınıŋ öz betınşe paidalanuyna şekteu qoiyldy.
Sonymen qatar, moratorii talaptary biudjet jäne memlekettık josparlau, öŋırlık jäne biudjettık saiasat boiynşa ortalyq uäkılettı organdarmen aldyn ala kelısılgen jobalarǧa qoldanylmaidy.
Ünemdelgen qarjy eldıŋ ekonomikalyq ösımın qamtamasyz etetın basym jobalarǧa baǧyttalmaq.
