Atyraýda sáláfıttik aǵymnyń negizderin úıretetin «Ulttyq áıelder mektebi» jyl boıy jumys istep keledi. Mamandandyrylǵan aýdanaralyq ekonomıkalyq sot ony jabý týraly sheshim shyǵarǵanymen, mekeme áli de jumysyn jalǵastyrýda, dep habarlaıdy "Adyrna" Stan.kz aqparattyq agenttigine siltep. Jaǵdaıdy Atyraý oblysy Bilim berý sapasyn qamtamasyz etý basqarmasynyń basshysy Berdibek Taıyshev aıtyp berdi.
Atyraýda jekemenshik «ulttyq áıelder mektebi» ashylǵany 2022 jyldyń qyrkúıeginde belgili boldy. Qoǵam belsendisi Nurgúl Muqyshevanyń aıtýynsha, mundaǵy oqýshylar hıdjab kıedi.
«Bul mektepke Atyraý oblysynyń turǵyny Jumazııa Jolmuhanova jetekshilik etip taǵaıyndaldy. Eń soraqysy, Jolmuhanov Qankereıdiń qyzy, mektep dırektory Jolmuhanova Jumazııanyń inisi Juldyz Qankereıqyzy jáne kúıeý balasy Muratbekov Abzal 2015 jyly Sırııadaǵy soǵys qımyldaryna qatysyp, ekeýi de 2019 jyly qaza tapty».
Berdibek Taıyshevtyń aıtýynsha, bul mektepte qazir 117 qyz bilim alýda.
«Jalpy, 2022 jyly ótinish bergen barlyq zańdy tulǵalarǵa memlekettik lıenzııalar berildi. Búginde bir ǵana jekemenshik mektep lıenzııasyz jumys isteıdi, bul «Ulttyq áıelder mektebi» JShS. Alaıda 13 shildede Atyraý oblystyq sotynyń sheshimimen mektep qyzmeti toqtatyldy. Biraq, JShS appelıaııalyq shaǵym túsirip, ony jeńip aldy».
Belsendi Nurgúl Muqysheva salafıtterdiń Qazaqstandaǵy mektepterdi zaıyrly formatta oqytýǵa úzildi-kesildi qarsy ekenin aıtady. Olar mektep formasyn ustanǵysy kelmeıdi, mektepke hıdjabpen arabsha kıimmen júrgendi jón kóredi. Al bul bilim berý júıesi zaıyrlylyq qaǵıdattar boıynsha oqytylyp jatqanymen, Qazaqstan Respýblıkasynyń zańdaryna qaıshy keletinin bildirdi.
"Sáláfılik baǵyttaǵy oqý oryndarynyń qatary kóbeıip ketý qaýpi bar. Mundaı dinı orta túrli qaqtyǵystardyń týyndaýyna yqpal etýi múmkin. Osyǵan oraı, joǵaryda atalǵan faktilerge silteme jasaı otyryp, QR Bilim mınıstri A.Aımaǵambetovten osy memlekettik emes «Sáláfıt qyzdar mektebine» lıenzııa bermeýdi jáne dereý jabýdy suraımyn», - deıdi belsendi.
Ótken jyly oblystyq bilim basqarmasy bul mekemeni tekserip, lıenzııasyz jumys istep turǵanyn anyqtaǵan.
Oqýshy qyzdardyń jartysy namazhandar otbasyna jatady, biraq soǵan qaramastan sabaq kezinde oramal taǵýǵa qatań tyıym salynady.
Keıbir ata-analarǵa mekteptegi tártip unaıdy, solardyń biri Gúlnar Ótepbergenova.
«Meniń nemerem 4-synypta oqıdy. Biz dindar otbasymyz, balalarymyzdyń jaqsy jerde oqyǵanyn qalaımyz. Biz bul mektepti muqııat zerttep, balaǵa bilim bergimiz keledi. Basqa mekemelerde keıbir qyzdar kóshedegi úlkenderden esh aıyrmashylyǵy joq tyrnaq, kirpik ósiredi. Biraq bul jerde bári óz qalaýynsha, sonymen qatar muǵalimderdiń durys tárbıe beredi, óıtkeni mektep tek qyzdarǵa arnalǵan».
