Oqý aǵartý mınıstri Ǵanı Beısembaev elimizde mektep oqýshylary arasynda zorlyq-zombylyq pen ólim-jitim oqıǵalarynyń kóbeıýi týraly pikir bildirdi. Bul týraly mınıstr óziniń Facebook paraqshasynda atap ótti, dep habarlaıdy “Adyrna” ulttyq portaly.
“Sońǵy jyldary mektep oqýshylary arasynda zorlyq-zombylyq, álimjettik kóbeıgen.Túrkistan, Qyzylorda, Atyraý, Shyǵys Qazaqstan oblystarynda oryn alǵan oqıǵa eshkimdi beı-jaı qaldyrǵan joq. Almaty oblysynda sońǵy ret eki bala qaıtys boldy. Men qaıǵyly oqıǵa bolǵan otbasyna shyn júrekten kóńil aıtamyn",- dedi mınıstr.
Beısembaev álimjettikke jol berýge bolmaıtynyn alǵa tartty. Ol úshin qoǵam bolyp jumylý kerek ekenin jetkizdi.
"Tárbıe jumysy men ata-analar qaýymymen ózara is-qımyldy kúsheıtý jóninde tapsyrma berdim. Biz Ishki ister mınıstrimen jáne ákimdikpen baılanystamyz. Quqyq qorǵaý organdary oqıǵa ornynda tergeý jumystaryn júrgizip jatyr, komıssııa jumys isteýde",- dep qosty ol.
