Eńbek jáne halyqty áleýmettik qorǵaý mınıstrligi zeınet jasyna jaqyndaǵan qyzmetkerlerdi qoldaý boıynsha jańa jobany qolǵa alyp jatyr. Ol boıynsha memleket egde jastaǵy jumysshylardyń eńbekaqysyn sýbsıdııalaıdy. Bul týraly brıfıngte vıe-mınıstr Erjan Birjanov málimdedi, dep habarlaıdy “Adyrna” ulttyq portaly Sputnik Qazaqstanǵa silteme jasap.
Ol zeınetke áli shyqpaǵan egde jastaǵy adamdardyń jumys tabýy qıyn ekenin atap ótti. Osyǵan baılanysty vedomstvo "Kúmis jas" atty jańa jobany iske asyrýdy josparlap otyr.
"Ol boıynsha biz eki jyl boıy, zeınetke deıin jumys berýshige eńbekaqynyń belgili bir kólemin óteımiz. Qazir bul másele pysyqtalyp jatyr, usynys qoldaý tapty. Bizde naqty ıfrlar, boljam bar. Endi osy máselelerdi sheshý kerek", – dedi Birjanov.
Aıtýynsha, 40-45 jastaǵy adamdardy jumysqa ornalastyrý boıynsha eshqandaı problema joq. Bul sanat eńbek naryǵynda óte belsendi sanalady.
Vıe-mınıstr oqýdy endi bitirgen jastar da kópke deıin jumys taba almaı qınalatynyn aıtty.
Mınıstrlik jastar úshin "Jastar praktıkasy" jáne "Alǵashqy jumys orny" atty jobalardy ázirledi.
Eńbek mınıstrliginiń málimetinshe, qazir elimizde jumyssyzdyq deńgeıi 4,9 proentti quraıdy. Iaǵnı, 449 myń adam jumyssyz retinde tirkeýde tur.
