74 jastaǧy qazaqstandyq äiel Orynbor äuejaiynda poliseilerge şabuyl jasaǧany üşın qamauǧa alyndy. Būl turaly Orynbor audandyq soty aitty, dep habarlaidy «Adyrna» tılşısı.
Sot mälımetınşe, zeinetker Reseide tūratyn qyzyna baru üşın jolǧa şyqqan. Ol ekı el arasyndaǧy memlekettık şekarany avtokölıkpen kesıp ötıp, ūşaqpen jolyn jalǧastyrmaq bolǧan. Tekseru kezınde äieldıŋ qol jügınen mai qūiylǧan 5 litrlık qūty tabylǧan.
«Tasymaldau erejelerı eskertılgen kezde äiel agressiia tanytyp, ekı qūqyq qorǧau organy qyzmetkerın ūrǧan. Būltartpau şarasyn taŋdau üşın sotqa jetkızılgen kezde azamatşa kınäsın moiyndamai, mūndai äreket jasamaǧanyn alǧa tartqan»,-delıngen habarlamada.
Jasyn eskere otyryp, sot būǧan deiın ötınıştı qaraudy keiınge qaldyryp, kepıl nemese üiqamaq siiaqty balama şaralardy ūsynǧan. Alaida äieldıŋ tūrǧylyqty jerınen de, uaqytşa ūstau izoliatorynan da berılgen mınezdemeler onyŋ qoǧamda belgılengen normalar men mınez-qūlyq erejelerıne baǧynuǧa nietı joq ekenın körsetkenı habarlandy.
Jeke tūlǧasyna qatysty jinalǧan derekterdı, sondai-aq zeinetkerdıŋ Resei aumaǧynan şūǧyl ketuge niettı ekenı jönındegı jedel aqparatty eskere otyryp, sot Qazaqstan azamatyna qatysty būltartpau şarasy retınde 2 ai merzımge qamauǧa alu turaly şeşım qabyldady.
