Qytaida ötıp jatqan Aziia oiyndarynda Qazaqstandyq sportşylar Äsem Orynbai men Eduard Eşenko stendtık atu turnirınıŋ aralas jūptyq saiysynda altyn medal ielendı, dep habarlaidy “Adyrna” ūlttyq portaly.
«Skit» jattyǧuynyŋ finalynda qazaqstandyqtar Kuveitten kelgen qarsylastarynan ozyq boldy. Qorytyndy esep – 40:35.
Būl – Aziada bastalǧaly elımızdıŋ el qorjynyna tüsken üşınşı altyn medal.
Aita keteiık, būǧan deiın 10 metr qaşyqtyqtan jyljymaly nysanaǧa oq atu saiysynda 18 jastaǧy Zuhra İrnazarova chempion atandy. Keiın Äsem Orynbai, Zoia Kravchenko jäne Olga Panarinadan jasaqtalǧan Qazaqstannyŋ äielder komandasy «skit» jattyǧuynda altyn medal jeŋıp alyp, Aziia oiyndarynyŋ rekordyn ornatty.
Ūqsas jaŋalyqtar
