2027 jyldyŋ 1 qaŋtarynan bastap Qazaqstanda mındettı zeinetaqy jarnalarynyŋ saqtaluyna qatysty memlekettık kepıldık beru tetıgı özgeredı, dep habarlaidy "Adyrna" tılşısı.
Būl turaly Bıryŋǧai jinaqtauşy zeinetaqy qory aqparat taratty. Qoldanystaǧy tärtıpke säikes, memleket mındettı zeinetaqy jarnalarynyŋ saqtaluyna infliasiia deŋgeiın eskere otyryp kepıldık beredı. Eger investisiialyq tabys infliasiiadan tömen bolsa, aiyrmaşylyq memleket tarapynan öteledı.
Al 2027 jyldyŋ 1 qaŋtarynan bastap būl tetık küşın joiady. Endı memleket azamattyŋ zeinetaqy şotyna naqty audarylǧan mındettı zeinetaqy jarnalarynyŋ saqtaluyna ǧana kepıldık beredı. İnfliasiia saldarynan qarajattyŋ qūnsyzdanuy endı ötelmeidı.
BJZQ mälımetınşe, özgerıster azamattarǧa zeinetaqy jinaqtaryn basqaruda köbırek mümkındık beru maqsatynda engızılıp otyr. 2026 jyldyŋ qyrküiekten bastap salymşylar mındettı zeinetaqy jinaqtarynyŋ 100 paiyzyna deiın jeke basqaruşy investisiialyq kompaniialarǧa senımgerlık basqaruǧa bere alady. Qazırgı taŋda būl körsetkış 50 paiyzdan aspaidy. Azamattar zeinetaqy qarajatyn Ūlttyq banktıŋ basqaruynda qaldyruǧa nemese ony bır nemese bırneşe jeke basqaruşy kompaniiaǧa senıp tapsyruǧa mümkındık alady. Är kompaniianyŋ investisiialyq strategiiasy, täuekel deŋgeiı jäne kütıletın kırıstılıgı ärtürlı bolady.
Sonymen qatar memleket jeke basqaruşy kompaniialardyŋ qyzmetın baqylaudy jalǧastyrady. Eger kompaniianyŋ investisiialyq kırıstılıgı belgılengen eŋ tömengı deŋgeiden tömen bolsa, aiyrmaşylyqty kompaniia öz qarajaty esebınen öteuge mındettı.
BJZQ zeinetaqy şottaryn jürgızudı jalǧastyrady. Salymşylar öz jinaqtarynyŋ kölemı men basqaruşy kompaniialardyŋ qyzmet nätijelerın qordyŋ arnaiy aqparattyq servisı arqyly baqylai alady.
