"Qazaq eliniń qaı tilde sóıleıtininde Reseı elshisiniń shataǵy bolmasyn!" - depýtat Qazybek Isa

2770
Adyrna.kz Telegram
QR Májilisiniń depýtaty, aqyn Qazybek Isa Reseı elshisiniń "oıǵa - qonymsyz, aqylǵa - cyıymsyz,  iske - jaramsyz"  málimdemesine jaýap berdi. Depýtat Reseı elshisiniń óz ornyn bilip, Qazaq eliniń ishki saıasatynan boıyn aýlaq ustaýyn qadap aıtty. Óziniń eki aıaqpen shatqaıaqtamaı teń, nyq turǵysy kelse, qazaq tilin úırenýin talap etti. Bul týrasynda "Adyrna" ulttyq portaly jazdy. 
- ...Reseıdiń Qazaqstandaǵy ókiletti elshisi Alekseı Borodavkın: “Árbir qazaqstandyq eki aıaqta nyq turýy tıis: biri memlekettik til – qazaq tili, ekinshisi, Qazaqstan Konstıtýııasynda kórsetilgendeı resmı til –orys tili. Bul eki aıaqtyń ekeýi de birdeı bolǵan jaǵdaıda ǵana alǵa qadam basa alatynyn eskerý kerek”-deıdi.
Ózge elge ne isteýdi úıretip, ózeýrep, “eki tildi bilgen eki aıaǵymen nyq turyp, alǵa qadam basa alady” dep pálsapa soǵyp otyrǵan elshige óz sózinen ustap alyp, eskertýimiz bar bizdiń de! Sonda tek Reseı tilin ǵana biletin bizdiń eldegi orys etnostary 31 jyldan beri qashanǵy bir aıaǵymen turady? Qashan alǵa basady? Ózge tilde ǵana - ıaǵnı bir aıaǵymen ǵana uzaq turǵan adam qulaıtynyn umytpaý kerek, elshi Boradavkın myrza! Aıtpaqshy, siz bizdiń elde elshi bolǵanyńyzǵa bıyl bes jyl boldy, ózińiz áli bir aıaqpen júrsiz ǵoı, qashan qazaq tilin bilip, nyq turasyz? - dep órlik kórsetti depýtat.
Munymen qosa, Qazybek Isa Qazaq eliniń Syrtqy ister mınıstrliginen de batyldyqty, órlik pen ótkirlikti talap etti. Reseı elshin Táýelsiz Qazaq eliniń saıasatynan boıyn aýlaq ustaýǵa shaqyrdy.
- Táýelsiz Qazaq Eli azamattarynyń qaı tilde sóıleýin nusqap kórsetetindeı bılikti Reseı elshisine kim berip otyr? Táýelsiz qazaq eliniń qaı tilde sóıleý kerektiginde Reseı elshisiniń ne sharýasy bar? Syrtqy ister mınıstrligi syrt qala bere me taǵy, buǵan qandaı qaırat kórsetedi? Bizdiń Reseıdegi keshegi-búgingisi bar, elshilerimizdiń qaısysy bolsa da, “Bir mıllıonǵa jýyq qazaq turatyn Reseıde nege bir qazaq mektebi joq?!.-dep aıta ala ma? Tek Imanǵalı Tasmaǵambetovtyń ǵana elshi kezinde Reseıde qazaq tilinde sóılegenin bilemiz.
Bul elshi A.Borodavkın 2018 jyly da: “El basshylyǵy orys tilinde sóıleıdi, tek óz aralarynda ǵana emes, Qazaqstan halqyna úndeý jasaǵan kezde de", - dep, astamsı jaýap bergen bolatyn “Rossııa 24" telearnasyna bergen suqbatynda. Bir jaǵynan Reseı elshisi ay shyndyqty, Qazaq bıliginiń Reseı tilinde sóıleıtinin ashyq aıtyp otyr.
Jalpy, Reseı elshisiniń budan tórt jyl burynǵy da, keshegi de sózine qarasań, Táýelsizdik alǵanyna 31 jyl tolyp otyrǵan Qazaqstan áli Reseıdiń gýbernııasy sekildi…
Sondyqtan da bıyl 27 sáýirde Keńes odaǵy ımperııasynyń 70 jylyn aıtpaǵanda, Táýelsizdik alǵan 30 jylda, barlyǵy 100 jylda tuńǵysh ret parlamentte Konstıtýııadaǵy til týraly 7 bapty ózgertip, tek Qazaq tiline ǵana jekedara Memlekettik statýs berýdi jáne Memlekettik tildi mindetteıtin zań qabyldaýdy talap etken “Aq jol” frakııasynyń depýtattyq saýalyn jarııalaǵanbyz. Osy depýtattyq saýalda “Aq jol” talaıdan kóterip kele jatqan Qazaqstan Azamattyǵyn alý úshin memlekettik tilden emtıhan tapsyrýdy taǵy da usynǵanbyz. Bul másele sheshilip jatqanyn jaqynda Úkimet basshysy Á. Smaıylovtyń ózi málimdedi. Al Memlekettik til týraly zań qabyldaý máselesi áli sozylyp kele jatyr.
2020 jyly “Qazaq úni” ulttyq portalyndaǵy Memlekettik til týraly zań qabyldaýdy, konstıtýııadan 7 baptyń 2 tarmaǵyn alyp tastaýdy talap etip, QR Prezıdentine jazylǵan Ashyq hatqa bir jarym aıda álemge áıgili Ult zııalylary bastaǵan 126 myń adam qol qoıdy. Bul qoldaý qazir 130 myńǵa jetti. Artynda mıllıondar turǵan, Memlekettik til týraly zańdy talap etken Ashyq hatqa estıtin memleketimiz Ádiletti Qazaqstanda ádiletti qaraıdy dep bilemiz. Búgingi kúnniń eń basty máselesi - Memlekettik til miselesi! Til taǵdyry sheshilmeı, El taǵdyry sheshilmeıdi! - dep qadap aıtty Qazybek Isa.
"Adyrna" ulttyq portaly
Pikirler