Qazaqstanda 1929-1956 jyldar aralyǵyndaǵy saıası qýǵyn-súrgin qurbandaryna qatysty 2,4 mıllıonnan astam muraǵat kartochkalary memlekettik qupııa qatarynan shyǵaryldy. Bul týraly Bas prokýratýra málimdedi, dep habarlaıdy “Adyrna” ulttyq portaly.
Málimet boıynsha, 251 myń arnaıy qonys aýdarylǵandardyń isi Prezıdent Muraǵatyna ótkizildi, keıinnen olar múddeli tulǵalarǵa qoljetimdi bolady.
265 myń is jyl sońyna deıin sonda ótkiziledi.
311 myń adam májbúrli, arnaıy qonys aýdarylǵandar jáne qylmystyq jaýapkershilikke tartylǵandar qatarynan aqtaldy, - delingen vedomstvo málimetinde.
Aıta keteıik, 2020 jylǵy 24 qarashada Qazaqstan Prezıdenti Qasym-Jomart Toqaev saıası qýǵyn-súrgin qurbandaryn tolyq aqtaý jónindegi memlekettik komıssııa qurý týraly jarlyqqa qol qoıdy. Komıssııanyń 2020 jylǵy 3 jeltoqsandaǵy birinshi otyrysynda onyń tóraǵasy, QR Memlekettik hatshysy Qyrymbek Kósherbaev komıssııanyń negizgi mindeti «Keńes saıası qýǵyn-súrgin qurbandarynyń barlyq sanattary úshin tarıhı ádilettilikti qalpyna keltirý kezeńi» dep málimdedi.
2023 jyldyń qańtarynda Qazaqstan Respýblıkasynyń Memlekettik keńesshisi Erlan Qarın Toqaevqa saıası qýǵyn-súrgin qurbandarynyń tarıhyna arnalǵan 31 tomdyq qujattar men materıaldardy tabys etti.
