Keshe, 31 mamyr Asharshylyq pen qýǵyn-súrgin qurbandaryn eske alý kúni Almatyda Qazaqstan boks federaııasy bokstan álem chempıonatynyń jeńimpazdary men júldegerlerin marapattap jatty.
31 MAMYRDY QURMETTEÝ QAIDA QALDY?
Qazaqstan boks federaııasynyń prezıdenti Keńes Raqyshev álem chempıondary – Sanjar Táshkenbaı, Mahmud Sabyrhan, Aslanbek Shymbergenov, Nurbek Oralbaıǵa árqaısysy 100 myń AQSh dollar, kúmis júldeger Dýlat Bekbaýovqa 50 myń AQSh dollaryn tabys etti. Odan bólek federaııa prezıdenti Dýlatqa qymbat shveıar saǵatyn óziniń atynan tabystady.
Qazaqstannyń túkpir - túkpirinen kelgen chempıon jigitterdiń analaryna Keńes Raqyshev 2 mıllıon teńgeden bergen. Chempıon men júldegerlerdi ǵana emes, olardy daıyndaǵan erler quramasynyń bas bapkeri Myrzaǵalı Aıtjanovqa 25 myń AQSh dollary men birge kólik mingizdi.
Kórshi Ózbekstan eliniń astanasy Tashkentte 1-14 mamyr aralyǵynda Bokstan erler arasyndaǵy álem chempıonaty ótken bolatyn. Osy saıys nátıjesi boıynsha elimiz álem chempıonattary tarıhyndaǵy medaldar sany boıynsha úshinshi orynǵa aıaq tiredi.
Aıta ketetin jaǵdaı 12 el álem chempıonatyna qatysýdan bas tartqan. Iaǵnı AQSh, Polsha, Shveıarııa, Nıderland, Irlandııa, Chehııa, Shveııa, Kanada, Ýkraına, Germanııa men Norvegııa, Ulybrıtanııa jáne Soltústik Irlandııa koroldigi 2023 jylǵy bokstan erler arasyndaǵy XXII álem chempıonatyna qatyspady.
Al Qazaqstan boks federaııasynyń dál 31 mamyr, Asharshylyq pen saıası qýǵyn-súrgin qurbandaryn eske alý kúni marapat úlestirýi tańǵalarlyq qubylys bolǵanyn aıtyp jatý artyq. Náýbet pen zulmatta sheıit ketkenderdiń arýaǵyn syılap, ataýly kúnniń qurmetin saqtaǵanda durys bolar ma edi? Marapattaý rásimine basqa kúni ótkizgende ári-beriden soń chempıondar men júldegerlerdiń el ishindegi mártebesi úshin abyroı emes pe edi?
BUǴAN DEIINGI MARAPATTARY QANDAI?
Álemdegi saıası jaǵdaılarǵa qaramastan osy jarysqa qatysqan qazaqstandyq sportshylar el qorjynyna 4 altyn,1 kúmis saldy.
Álem chempıonatynyń fınalynda 4 bylǵary qolǵap sheberi – Sanjar Táshkenbaı, Mahmud Sabyrhan, Aslanbek Shymbergenov, Nurbek Oralbaı altyn medal ıelendi. Jalpy esep boıynsha Qazaqstan quramasy Tashkenttegi bokstan álem chempıonatyn ekinshi orynmen aıaqtady.
Jas ta bolsa álem chempıondary atanǵan boksshylar Halyqaralyq boks qaýymdastyǵynan (IBA) 200 myń AQSh dollarynan aldy. Kúmis júldegerlerge 100 myń, qola júldegerlerdiń árqaısysyna 50 myń AQSh dollary berildi.
Budan bólek chempıondar men júldegerlerge elge kelgen soń páter men kólik kilti tabys etildi.Tek qana IBA men Qazaqstan boks federaııasy ǵana emes sportshylarǵa janashyr ákim-sheneýlikter, kásipkerler barynsha chempıon baýyrlaryn óz esebinen qoldap jatyr. Boksshylardyń jerlesteri, aýyldastary da joǵarydan qalmaı shamalary jetkenshe quttyqdaýda.
Máselen kúmis júldeger Dýlat Bekbaýovtyń jerlesteri Jambyl oblysy, Qostóbe aýylynda Dýlatqa tulpar mingizgen.
Memleket basshysy Qasym-Jomart Toqaev ta bokstan ótken álem chempıonatynan kelgen jeńimpazdar men júldegerlerdi arnaıy qabyldap, quttyqtap, madaqtaǵan.
Boks federaııasynyń málimetine qaraǵanda, Qazaqstan 2023 jylǵy 12 el boıkot jarııalaǵan álem chempıonatynan keıin Halyqaralyq boks qaýymdastyǵynyń (IBA) reıtınginde birinshi orynda tur.
Mármár Nurlanqyzy
