Keşe, 31 mamyr Aşarşylyq pen quǧyn-sürgın qūrbandaryn eske alu künı Almatyda Qazaqstan boks federasiiasy bokstan älem chempionatynyŋ jeŋımpazdary men jüldegerlerın marapattap jatty.
31 MAMYRDY QŪRMETTEU QAIDA QALDY?
Qazaqstan boks federasiiasynyŋ prezidentı Keŋes Raqyşev älem chempiondary – Sanjar Täşkenbai, Mahmūd Sabyrhan, Aslanbek Şymbergenov, Nūrbek Oralbaiǧa ärqaisysy 100 myŋ AQŞ dollar, kümıs jüldeger Dulat Bekbauovqa 50 myŋ AQŞ dollaryn tabys ettı. Odan bölek federasiia prezidentı Dulatqa qymbat şveisar saǧatyn özınıŋ atynan tabystady.
Qazaqstannyŋ tükpır - tükpırınen kelgen chempion jıgıtterdıŋ analaryna Keŋes Raqyşev 2 million teŋgeden bergen. Chempion men jüldegerlerdı ǧana emes, olardy daiyndaǧan erler qūramasynyŋ bas bapkerı Myrzaǧali Aitjanovqa 25 myŋ AQŞ dollary men bırge kölık mıngızdı.
Körşı Özbekstan elınıŋ astanasy Taşkentte 1-14 mamyr aralyǧynda Bokstan erler arasyndaǧy älem chempionaty ötken bolatyn. Osy saiys nätijesı boiynşa elımız älem chempionattary tarihyndaǧy medaldar sany boiynşa üşınşı orynǧa aiaq tıredı.
Aita ketetın jaǧdai 12 el älem chempionatyna qatysudan bas tartqan. Iаǧni AQŞ, Polşa, Şveisariia, Niderland, İrlandiia, Chehiia, Şvesiia, Kanada, Ukraina, Germaniia men Norvegiia, Ūlybritansiia jäne Soltüstık İrlandiia koroldıgı 2023 jylǧy bokstan erler arasyndaǧy XXII älem chempionatyna qatyspady.
Al Qazaqstan boks federasiiasynyŋ däl 31 mamyr, Aşarşylyq pen saiasi quǧyn-sürgın qūrbandaryn eske alu künı marapat ülestıruı taŋǧalarlyq qūbylys bolǧanyn aityp jatu artyq. Näubet pen zūlmatta şeiıt ketkenderdıŋ aruaǧyn syilap, atauly künnıŋ qūrmetın saqtaǧanda dūrys bolar ma edı? Marapattau räsımıne basqa künı ötkızgende ärı-berıden soŋ chempiondar men jüldegerlerdıŋ el ışındegı märtebesı üşın abyroi emes pe edı?
BŪǦAN DEIINGI MARAPATTARY QANDAI?
Älemdegı saiasi jaǧdailarǧa qaramastan osy jarysqa qatysqan qazaqstandyq sportşylar el qorjynyna 4 altyn,1 kümıs saldy.
Älem chempionatynyŋ finalynda 4 bylǧary qolǧap şeberı – Sanjar Täşkenbai, Mahmūd Sabyrhan, Aslanbek Şymbergenov, Nūrbek Oralbai altyn medal ielendı. Jalpy esep boiynşa Qazaqstan qūramasy Taşkenttegı bokstan älem chempionatyn ekınşı orynmen aiaqtady.
Jas ta bolsa älem chempiondary atanǧan boksşylar Halyqaralyq boks qauymdastyǧynan (IBA) 200 myŋ AQŞ dollarynan aldy. Kümıs jüldegerlerge 100 myŋ, qola jüldegerlerdıŋ ärqaisysyna 50 myŋ AQŞ dollary berıldı.
Būdan bölek chempiondar men jüldegerlerge elge kelgen soŋ päter men kölık kıltı tabys etıldı.Tek qana IBA men Qazaqstan boks federasiiasy ǧana emes sportşylarǧa janaşyr äkım-şeneulıkter, käsıpkerler barynşa chempion bauyrlaryn öz esebınen qoldap jatyr. Boksşylardyŋ jerlesterı, auyldastary da joǧarydan qalmai şamalary jetkenşe qūttyqdauda.
Mäselen kümıs jüldeger Dulat Bekbauovtyŋ jerlesterı Jambyl oblysy, Qostöbe auylynda Dulatqa tūlpar mıngızgen.
Memleket basşysy Qasym-Jomart Toqaev ta bokstan ötken älem chempionatynan kelgen jeŋımpazdar men jüldegerlerdı arnaiy qabyldap, qūttyqtap, madaqtaǧan.
Boks federasiiasynyŋ mälımetıne qaraǧanda, Qazaqstan 2023 jylǧy 12 el boikot jariialaǧan älem chempionatynan keiın Halyqaralyq boks qauymdastyǧynyŋ (IBA) reitingınde bırınşı orynda tūr.
Märmär Nūrlanqyzy
