Taldyqorǵan qalasyndaǵy Nazarbaev Zııatkerlik mektebiniń komandasy robototehnıkadan Ulttyq chempıonatynyń jeńimpazy atandy.
Jaryst Almaty qalasynyń hımııa-bıologııalyq baǵyttaǵy Nazarbaev Zııatkerlik mektebi bazasynda ótti.
Robototehnıkadan respýblıkalyq olımpıadanyń bıylǵy taqyryby – «Álemdi biriktiremiz». Bul Birikken Ulttar uıymynyń Turaqty damý maqsattaryn oryndaýǵa baǵyttalǵan jáne qatysýshylardy logıstıka men ıfrlyq ınfraqurylymǵa kómektesetin robottardy jasaý úshin bir alańǵa jınaıdy. Al baıqaýdyń basty mindeti kúndelikti ómirde adamǵa qamqorlyq tanytyp, qyzmet kórsetetin robottardy jasaqtaý bolyp qala beredi.
Jattyqtyrýshy, ınformatıka pániniń muǵalimi Nıkolaı Avdıýnınniń jetekshiligimen Taldyqorǵan NIS komandasy eki jobany usyndy. Ekeýi de «Future Innovators» atalymy boıynsha úlken jáne orta jas toptarynda birinshi oryndy jeńip aldy.
9-synyp oqýshylary Dıana Hasımova, Ilıa Stasıýkov konteınerlerdi suryptaýǵa jáne qaıta tıeýge arnalǵan teńiz logıstıkalyq termınalynyń prototıpin jasady.
Saýda sattyǵy 80% muhıttar arqyly júzege asady. Saýdanyń damýyn shekteıtin tustary bar. Osyndaı sátterdiń biri - jóneltý portyna keletin barlyq konteınerlerdi uzaq kútý», - deıdi suhbatynda Dıana Hasımova. Teńiz termınalyn teńiz saýda joldarynyń qıylysynda ornatatyn bolsaq, konteınerlerdi jetkizý jyldamdyǵy artady.
Robotshylardyń aıtýynsha teńiz termınalynda jasandy ıntellekt júıesi ornalasqan, neırondyq jeli konteınerlerdiń tańbalaryn anyqtap, avtomattandyrylǵan krannyń kómegimen júkteı de, túsire de alady.
«Órmekshi ana» 9-synyp oqýshylary Ranona Jálelqyzy men Karıma Maqannyń biregeı jobasynyń ataýy. Spider Mom — adam qoly jetpeıtin jerlerge symdardy óz betinshe tóseýge qabiletti robot.
Internetke qoljetimdilik elimizdiń ıfrlyq damýyndaǵy strategııalyq mańyzdy másele bolyp tabylady. Bul ásirese pandemııa kezinde, álem onlaın rejımge kóshken kezde naqty boldy. Degenmen, barlyq aýyldyq eldi mekender ınternetke qol jetkize almaıdy. Bizdiń zertteýimiz boıynsha, Qazaqstan boıynsha 1432 aýyldyń 200 myńnan astam turǵyny ınternet-ınfraqurylymsyz qalýda. ıfrlyq teńsizdikti joıý, ınternetke barynsha qoljetimdilik pen barlyq azamattardy sapaly baılanyspen qamtamasyz etý qajet, — deıdi jas ónertapqyshtar.
Joba avtorlarynyń aıtýynsha, bar tirekterdi olardyń órmekshi robotynyń kómegimen avtomatty tóseý úshin paıdalanýǵa bolady. Robot joǵary jyldamdyqty optıkalyq kabeldi bekitýge, tirekterdiń túrlerin tipti aýa-raıyn anyqtaýǵa qabiletti.
Aıta keteıik, robototehnıka chempıonatynda birqatar robottardy jarystyrý kategorııalar boldy. RoboSports jarysynda 3-oryndy Raýshan Asqar, Eńlik Maman ıelendi.
Olımpıada RoboMission, Future Innovators, Future Engineers jáne sanattary boıynsha ótkizildi. Ár sanatta joǵary ball jınaǵan jeńimpaz komandalar 2023 jylǵy 7-9 qarashada Panamada ótetin Halyqaralyq chempıonatta Qazaqstannyń namysyn qorǵaıdy. Aqtyq kezeńde 90-nan astam eldiń jas talanttary baq synaıdy dep josparlanǵan.
Eske salsaq, «Nazarbaev Zııatkerlik mektepteri» derbes bilim berý uıymy 2014 jyldan beri World Robot Olympiad-tyń Qazaqstandaǵy ulttyq úılestirýshisi qyzmetin atqarady jáne álem chempıonatyna qatysý úshin ulttyq quramany daıyndaıdy.
