Biylǧy test tapsyru kezınde «ŪBT ömırdıŋ ükımı emes» degen äreketımen este qalǧan mektep tülegı emtihan nätijesıne ata-anasynyŋ qalai qaraǧanyn jäne özınıŋ bolaşaq jospary jaiynda aitady.
Almaty oblysy, Ile audany №12 orta mekteptıŋ tülegı Ūlttyq bıryŋǧai testıleuden 1 ball alǧan Erasyl Uäliev halyq arasynda tanymaldyqqa ie boldy. Jelı qoldanuşylardyŋ bır bölıgı «tömen alǧandarǧa motivasiia boldy», «adamnyŋ bılımı men qabıletın test anyqtamaitynyn körsettıŋ» dep qoldau bıldırse, endı bır bölıgı «atyŋ şyqpasa jer örte, haip üşın jasaǧan şyǧar» dep öz oilarymen bölısude. Osy oraida talapkerdıŋ nelıkten mūndai äreketke barǧanyn özınen sūrap bıludıŋ sätı tüstı.
- Erasyl, ŪBT-nyŋ ekınşı mümkındıgın nebärı 4 minut qana tapsyryp, 1 ball alypsyŋ, būlai jasauyŋa ne sebep boldy? Osymen ne däleldegıŋ keldı?
- Köp adamdar ŪBT-ny jetıstıkke jetudıŋ jalǧyz joly dep oilaidy. Az ball alyp qalsa ömırıme balta şabyldy dep qaiǧyryp jatady. ŪBT-nyŋ bolaşaqqa jeteleitın jalǧyz jol emes ekenın, būnymen ömırdıŋ toqtap qalmaitynyn däleldegım keldı. Köbı tıptı osy üşın öz-özıne qol saluǧa deiın baratyn jaǧdailar jiı kezdesedı. 1 ball alǧannan keiın maǧan«senıŋ arqaŋda depressiiadan şyqtym» dep jazǧandar köp boldy.
- Būl äreketıŋe ata-anaŋnyŋ reaksiiasy qandai boldy?
- Bırınşı estıgen kezde kışkene ūrysty. Sebebı, olar menıŋ josparly türde jasaǧanymdy bılmeitın. Bıraq, ne üşın būlai jasaǧanymdy dūrystap aityp bergennen keiın olar tüsınıp, qoldau bıldırdı.
- Grant konkursyna testıŋ bırınşı mümkındıgınen alǧan 93 ball nätijesımen qatysatyn şyǧarsyŋ, qandai mamandyqqa tapsyrasyŋ? Qai universitettıŋ studentı atanǧyŋ keledı?
- Josparym – şetelde bılım alu. Slovakiia universitetıne test tapsyryp qoiǧanmyn, qazır jauabyn kütıp otyrmyn. Tüspei qalǧan jaǧdaida bırınşı nätijemmen «meiramhana ısı» mamandyǧy boiynşa grant konkursyna qatysamyn. Universitettı älı naqty taŋdamadym.
- Jelı jūldyzyna ainalmai tūryp ta blog jürgızıp bastaǧan ekensıŋ, 1 ball alǧanyŋnyŋ būltūsta paidasy tiıp jatqan siiaqty. Blogyŋda ne turaly aitasyŋ?
- İä, qatty äser etıp jatyr. Bastaǧan kezde külgenadamdar qazır kelıp, menımen suretke tüsıp jür. Menıŋ qyzyǧatyn salam öte köp, tek bıreuımen şektelgım kelmeidı. Sol sebeptı, blogymda jalpy jeke damu jaily aitamyn dep şeştım. Özım bar mümkındıgımdı paidalanyp, qalai damyǧanymdy körsetemın, barynşa paidaly aqparattarmen bölısemın.
- Uaqyt bölıp sūhbattasqanyŋa raqmet! Sättılık!
Merei Myrzaǧaliqyzy
«Adyrna» ūlttyq portaly
Ūqsas jaŋalyqtar
