Mektep tülekterı arasynda testıleuden 6 jyldan soŋ rekord jaŋartyp maksimaldy 140 ball iesı bolǧan Jannūr Eŋsebek özınıŋ ömır salty, hobbiı jäne äzırlık barysyndaǧy ıs-täjıribesımen bölısedı.
Ūlttyq bıryŋǧai testıleu ortalyǧynyŋ mälımetınşe 2024 jylǧy jalǧyz rekord ornatqan oquşy – Jannūr Eŋsebek. Ol Almaty oblysy Qarabūlaq auylynyŋ №22 orta mektebın altyn belgımen bıtırgen. Rekordsmen tülek «Adyrna» tılşısıne 140 balldyŋ qūpiiasy jaily aityp berdı.
«EŞQANDAI QŪRBANDYQQA BARMADYM»
- ŪBT-dan soŋ ömırıŋ qalai özgerdı, adamdar tani bastady ma? Işkı sezımderıŋmen bölısseŋ?
- Barlyq orta, adamdar, dostarym, synyptastarym şulap osy jaŋalyqty aityp tauysa almai jatyr. Barlyǧy emosiiaaŋdy körsetpeisıŋ dep aitady. Bıraq men bır apta boiy quanyştan jarylyp, töbem kökke bır elı jetpei jürdı, tek sol sätter videoǧa tüspei qalǧany bolmasa.
Test tapsyryp üige kelgende ata-anam, synyptastarym kütıp alǧanda taŋǧaldym. Tıptı köşede jürgen sätte keibır adamdar tanyp, «sen 140 ball alǧan bala emessıŋ be» dep jatady. Dostarym, jaqyndaryma negızı ŪBT-ny 27-sı emes, 28-ı tapsyramyn dep aitqan bolatynmyn.
- 140 ball alatynyŋa senımdı boldyŋ ba? Älde qoryqtyŋ ba? Saǧan maqsatqa jetuge ne şabyt berdı?
- Basynda qoryqtym. Sebebı bırınşı ŪBT-dan 132 ball aldym. Sonda da qorqynyş bolǧan, endı odan joǧary ala almaimyn dedım. Senım öştı. Tıptı aldyŋǧy ŪBT-dan soŋ bır apta boiy daiyndyǧymdy toqtatyp tastadym.
Sodan keiın kuratorlarym «senen 140 ball iegerı şyǧady» degen senım, qoldau bıldırdı. Odan soŋ, Hyuindai Sonato avtokölıgı maǧan şabyt berdı. Nauryz aiynan bastap kölıktı aluym kerek degen maqsat qoidym .
Kuratorlarymnyŋ bergen qoldauy köp kömegın tigızdı. Ekı testıŋ arasy bır ai boldy. Bırınşı testtı tapsyryp, bır apta demalystan soŋ daiyndyǧymdy qaitadan bastadym.
- Mūndai jetıstıktıŋ qūpiiasy nede? Nätijege jetu üşın qandai ädetterden bas tarttyŋ, nenı qūrban ettıŋ?
- Eşqandai. Dostarymmen arasynda oinauǧa da şyǧyp tūrdym, äleumettık jelılerdı de öşırgen joqpyn. Arasynda jaŋalyqtardy köruge kırıp tūratynmyn. Tek sabaqty ǧana oilap, basqa dünielerdı ūmytuǧa bolmaidy dep oilaimyn. Bastysy – fokusty joǧaltyp almau kerek.
«GOOGLE» SEKILDI KOMPANİIаDA JŪMYS JASAǦYM KELEDI»
- Bolaşaqta şetelde oqu oiyŋda bar ma? Aldaǧy 5 jylyŋdy qalai elestesıŋ?
- Şetelde oqu äzırge josparymda joq. Bıraq täjıribe almasuǧa, jūmys jasauǧa barǧym keledı. Aldaǧy 5 jylymda SDU universitetın aiaqtaimyn. Eger barlyǧy jaqsy bolyp jatsa, «Google» sekıldı kompaniialarda jūmys jasaǧym keledı. Ülken kompaniialarda jūmys jasap, baǧymdy synap körsem deimın.
- Üiıŋde qanşa aǧaiyndysyŋdar? Baiqauymşa ata-anaŋa jaqynsyŋ. Almaty sekıldı ülken qalaǧa köşu oiyŋda bar ma?
- Üide men jäne qaryndasym. İä, ata-anama jaqynmyn. Barlyq dünienı ata-anammen aqyldasa otyryp şeşemın. Ülken qalaǧa köşu jaily aitar bolsam, äzırşe tek päter jalǧa alyp Almatyǧa köşemın, qalǧanyn bolaşaqta köre jatyrmyz.
- Qazaqstannyŋ damuyna, öz mamandyǧyŋ boiynşa IT salasyn damytyp, jeke kompaniia aşu oiyŋda bar ma?
- Oiymda bar, bıraq ideia joq. Bızge deiın barlyǧy oilap tabylǧan, barlyǧy jasalyp qoiylǧan siiaqty körınedı äzırge. Aldaǧy uaqytta elımızdıŋ damuyna üles qosu oiymda bar. Myqty kompaniialarda IT salasy boiynşa jūmys jasap, täjıribe almasqym keledı.
«AQŞ ELINDE JŪMYS JASAP KÖRGIM KELEDI»
- Qandai memleketterde saiahattaǧyŋ keledı? Magistraturany şetelde oqu oiyŋda bar ma?
- AQŞ elıne barǧym keledı. Bıraq ol jaqqa baru mümkın be dep oilaimyn. AQŞ-ta jūmys jasap körgım keledı. Magistraturany şetelde oqu jaily älı oilanbadym. Europa elderıne älı qyzyǧyp körmedım.
- Hobbiyŋ bar ma? Kıtap oqisyŋ ba, qandai janrdaǧy kıtaptardy oqisyŋ? Köp armandap, qiialdaisyŋ ba? Arman-maqsattaryŋdy jazasyŋ ba?
- Hobbiym – şahmat. Şahmat oiyny boiynşa reitingım öte joǧary. Odan bölek jaqyn arada üstel tennisın oinap bastadym. Eşqandai kıtap oqymaimyn, oqyp ta körmeppın. Osy uaqytqa deiın bır qyzyǧy – kıtap oqyp körmeppın... Armandaimyn bıraq olardy jazbaimyn, tek ışte saqtap jüremın...
- Baǧaŋa kümändanyp, Ūlttyq testıleu ortalyǧy qaitadan jazbalardy tekseremız dep aitqan joq pa? Satyp alǧan degen alyp-qaşpa äŋgımeler aitylyp qalyp jürgen joq pa?
- Ūlttyq testıleu ortalyǧy 140 ball iegerı dep resmi türde jariialap paraqşalaryna salyp qoiǧan. Jazba astynda eger kümän tudyratyn ıs-äreketter baiqalsa, 31 qazanǧa deiın jazbalar qaita qaralady. Uaqyty jetkende jazbalar joiylady degen. Al men test tapsyrǧan meken-jai boiynşa auditoriiadaǧy ortaq kameralar jūmys jasamaidy eken.
QŪPİIа SYRY. «AZ-AZDAN ÜZDIKSIZ DAIYNDALU»
- Sonymen, naqty aitar bolsaq būl 140 ballǧa jetudıŋ qūpiiasy syry nede? Qandai fişkaŋ bar?
- 140 balldyŋ qūpiiasy - «az-azdan üzdıksız daiyndalu». Tek tūraqty 2 jyl boiy jasalynǧan daiyndyq jäne bastysy senım boldy. Kursta berılgen tapsyrmaldardy bırden oryndap otyrdym. Bastapqy uaqytta jüielı daiyndyq bolmady, ıs-äreketterım kerı ketıp, daiyndalǧym kelmeitın sätter boldy.
Keiın aqpan aiynan bastap ailyq, aptalyq jospar qūryp, retke keltıre bastadym. Daiyndyǧymdy qaitadan qolyma aldym. Qiyndyq tudyrǧan keibır pänder boldy.
Atap aitsam, Qazaqstan tarihy pänı. Daiyndyǧymdy 11 synyptan däl sol pännen keş bastadym. Maǧan kün, jyldar jattaǧan qiyndyq tudyrady.
Test tapsyru barysynda berılgen 4 saǧattyŋ 2 saǧatynda barlyq tapsyrmany aiaqtap, 90 minutyn qaita tekserıp qarap şyǧuǧa arnadym.
Maǧan artylǧan senım jäne qaitsem de avtokölıktı aluym qajet degen maqsat kökeiımde tūrdy. Tek oqyp qana qoimadym. Oilau jüiemmen özımnıŋ sol balldy alamyn, qolymnan keledı, men jasaimyn degen ūstanym, maqsatpen jūmys jasadym. Maqsatyma jetıp közıme jas keldı. Barlyq emosiia tek avtokölıktı alu barysynda şyqty. Sol sätte özımnıŋ maqsatqa tolyqtai jetkenıme, armanymnyŋ oryndalǧanyna köz jetkızdım.
- Keler jyly ŪBT tapsyratyn talapkerlerge qandai keŋes aitasyŋ? Neden bastaǧany dūrys?
- Atap ötetın jait – daiyndyqty erte bastaǧan dūrys. Bazalyq bılımdı mektep qabyrǧasynan bastap jaqsy jetıldıru qajet. Daiyndyqty toqtatpai, az-azdan üzdıksız degen ūstanymdy berık ūstanu qajet. Bastysy özıŋe, nätijege, maqsatyŋa degen senım.
- Sūhbat bergenıŋe rahmet!
Fariza Nūrbolatqyzy
