Qazaqstan halqy Assambleiasynyŋ Analar keŋesı de önegelı ūrpaq aptalyǧyna belsendı üles qosuda.
Atap aitqanda, Taraz qalasyndaǧy Belsendı ūzaq ömır süru ortalyǧynyŋ aulasynda analar keŋesınıŋ müşelerı, ardagerler, ziialy qauym ökılderı gül ektı.
Atalǧan mekeme zeinet jasyna jetken belsendı, ömır jasyn ūzartudy közdegen qarttarǧa tolyq mümkındıkter jasau arqyly, densaulyǧyn qoldau jäne bos uaqytyn tiımdı ūiymdastyruǧa baǧyttalǧan.
- «Ärbır ūrpaqtyŋ el-jūrty, aldyŋǧy tolqyn aǧa buyn aldyndaǧy bas tartuǧa bolmaityn, adamdyq ärı azamattyq paryzdary bolady. Bız Jambyl oblysynyŋ analar qauymy «Taza Qazaqstan» aksiiasyna qoldau bıldıremız. Ülkenge qūrmet körsetu – jas ūrpaqtyŋ mındetı. Osy oraida, jambyldyq analar aksiiaǧa atsalysyp 100 gül ektı. Bügıngı şaramyz da osyndai ızgı ıstıŋ jalǧasy bolmaq» - dedı QHA Analar keŋesınıŋ töraiymy Elmira İniiatqyzy.
Bügınde, oblys boiynşa qūrylǧan 162 Analar alqasynyŋ qūramyndaǧy 700-ge juyq analar igılıktı ısterge ūiytqy bolyp, belsendı jūmys atqaruda.
