Reseıdiń Krasnodar qalasyndaǵy turǵyn úı alańdarynyń birinde jasóspirimder elektr samokatymen eski átkenshekti aınaldyryp, nátıjesinde bir bala mertikti, dep habarlaıdy "Adyrna" ulttyq portaly.
Krasnodar qalasynyń turǵyny elektrli qurylǵyny átkenshek dóńgelegimen aınaldyryp, ermek qýmaq bolǵan. Aqyrynda qatty aınalǵan átkenshektiń áserinen balanyń basy aınalyp, býyny qaltyrap, aýrýhanaǵa jetkizildi.
Oqys oqıǵa "Perspektıva" turǵyn úı kesheniniń balalarǵa arnalǵan alańqaıynda bolǵan. Beınekadrlardan elektrosamokat dóńgelekterimen jasóspirimderdiń átkenshekti aınaldaryp jatqanyn kórýge bolady. Jergilikti turǵyndardyń aıtýynsha, jetkinshekterdiń "jankeshti" áreketi birinshi ret bolyp otyrǵan joq.
"Qańsyǵan temir átkenshekten taǵy bir bala mertikti. Bul jerdegi úlkenderdiń eskertýine eshkim qulaq aspaıdy, bári betimen ketken. Balalaryńyzǵa ıe bolyńyzdarshy", - deıdi aýla turǵyndary.
"Adyrna" ulttyq portaly
