Jambyl oblysynda jantúrshigerlik jol apaty bolyp, segiz adam qaza tapty. Bul týraly Polıııa departamenti jarııalady, dep habarlaıdy ”Adyrna” ulttyq portaly.
Aqparatqa sáıkes, oqıǵa 16 qyrkúıek kúni keshki ýaqytta bolǵan. Jol talǵamaıtyn kólik júrgizýshisi qarsy jolaqqa shyǵyp ketip, júk kóligi men shaǵyn avtobýsqa soqtyǵysqan.
«16 qyrkúıek kúni saǵat 18:30 shamasynda "Batys Eýropa – Batys Qytaı" respýblıkalyq jolynyń 526-shaqyrymynda jol-kólik oqıǵasy boldy. Cadillac Escalade júrgizýshisi aldynda kele jatqan kólikti basyp ozamyn dep, qarsy jolaqqa shyǵyp ketken. Sosyn, DAF júk kóligimen soqtyǵysqan. Sodan keıin Cadillac Escalade kóligi óz jolaǵyna qaıta shyǵyp, Gazel kóligimen soqtyǵysqan. Saldarynan eki kólik órtendi», – delingen oblystyq Polıııa departamentiniń habarlamasynda.
Apat saldarynan eki júrgizýshi men bes jolaýshy, onyń ishinde eki jasar bala oqıǵa ornynda kóz jumdy. Atalǵan fakti boıynsha sotqa deıingi tergeý bastaldy.
