Prezıdent saılaýynyń kúni bekitildi. Beıimbet aıtpaqshy, "Qaıdan kelesiń? Saılaýdan kelemin. Qaıda barasyń? Saılaýǵa baramyn" ala shapqyn endi bastalady. Jurt ázirge bılik tarapynan qazirgi Prezıdent Qasym-Jomart Toqaevty kandıdat retinde tanýda. Darıǵa Nazarbaevanyń da aty atalýda. Odan bólek áleýmettik jeli betin taǵy bir kandıdattyń esim-soıy sharlap júr. Jurttyń, ıaǵnı saılaýdaǵy elektorattyń biraz bóligi ol kisini Prezıdent taǵynan kórgisi keledi. Ol – Imanǵalı Tasmaǵambetov.
Qazirgi Qazaqstannyń Reseıdegi elshisi, kezindegi komsomoldyń kósemin qoldaýshylar sany da az emes. Eger, Toqaev ózi aıtqandaı "ádil ári taza, ashyq saılaý ótkizetin bolsa" elimizdiń Batys óńirinen Tasmaǵambetov 100 paıyz bolmasa da, 80 paıyz daýysty jınap tur. Ári elimizdiń zııaly qaýym ókilderiniń de bir búıregi Nurǵalıulyna buryp turady.
Biraq, saılaý týraly zańda úmitker adam kemi 5 jyl Qazaqstanda turýy shart dep kórsetilgen. Máskeý asqanyna eki jyl asqan Tasmaǵambetov bul zań boıynsha saılaýǵa túse almaıdy. Bul Zańǵa talas týdyratyn jalǵyz ǵana tusy ol shet memlekettegi Elshilik ornalasqan terrıtorııa resmı túrde sol memlekettiń ıeligi bolyp sanalady. Buǵan salsaq, Reseıdegi elshilik ornalasqan terrıtorııa Qazaqstan Respýblıkasynyń aýmaǵy.
Aldyńǵy jyly Ádilet mınıstri Marat Beketaev aıtqan tujyrymǵa súıensek, Imanǵalı Nurǵalıuly bul saılaýǵa qatysa almaıdy.
«Qazaqstanda turmaıtyn elshilerdiń prezıdenttikke úmitker bolýǵa quqyǵy joq. Sebebi Konstıtýııalyq zań talaby boıynsha prezıdenttikke úmitker Qazaqstanda turýy kerek. Al elshiler Qazaqstanda turmaıdy. Sondyqtan olar úmitker bolýy múmkin emes» degen bolatyn Ádilet mınıstrligi.
Sondyqtan Tasmaǵambetov bul saılaýǵa qatysqysy kelse de qatysa almaıdy degen tujyrym jasaýǵa bolady.
"Adyrna" ulttyq portaly
