Qyrǵyzstanda "balmuzdaq tıelgen fýrgon" dep habarlanǵan júk kóligi ashyq aspan astynda «Manas» eposyn oryndaǵan 29 oqýshyny qaǵyp ketti. Jeti adam jansaqtaý bóliminde jatyr. Bul týraly Kaktus basylymy jarııalady, dep habarlaıdy “Adyrna” ulttyq portaly.
Oqıǵa 2 mamyrda Jalalabad oblysynda bolǵan.
Aqparatqa sáıkes, qaıǵyly oqıǵa mádenı shara kezinde bolǵan. Mektep oqýshylary «Manas» eposynan úzindi oqyp, nómir kórsetti. Oqıǵa kezinde "Porter" júk kóligi yldıǵa qaraı quldılap, balalardy qaǵyp ketken. Oqıǵadan taralǵan vıdeoda júk kóliginiń kıiz úıdi qaǵyp baryp toqtaǵany kórinedi. Kıiz úı qırap qalǵan. Kólik kıiz úıge deıin qanshama adamdy qaqqan, kıiz úıde qansha adam bolǵan - oqıǵanyń egjeı-tegjeıi ázirge habarlanbady.
24.kg agenttiginiń habarlaýynsha, apat saldarynan 9 ben 16 jas aralyǵyndaǵy 29 orta mektep oqýshysy ártúrli aýyrlyqtaǵy jaraqattarmen aýrýhanaǵa jetkizilgen.
Qyrǵyzstan densaýlyq saqtaý mınıstrliginiń málimetinshe, jeti bala Jalal-Abad oblystyq balalar aýrýhanasynyń jansaqtaý bólimine jatqyzyldy, úsheýiniń jaǵdaıy aýyr. Málimetter áli de ózgerýi múmkin.
Oblystyq polıııa departamenti bul derek tirkelip, qazir tergeý amaldary júrgizilip jatqanyn habarlady. Quqyq qorǵaý organdarynyń málimetinshe, júrgizýshi júk kóligin joǵaryraq jerge qoıǵan, biraq kólik tómen qaraı quldılap ketken.
Bul Ortalyq Azııa elderinde kólikti qaýipsizdik sharalaryn qarastyrmaı qańtaryp qoıý saldarynan apattar jıilegen kezde bolyp otyrǵan oqıǵa. Byltyr sáýir aıynda Qazaqstanda Shymkentte júrgizýshisi joq avtobýs júrip ketip, 4 jaıaý adamdy qaǵyp ketip, mert qylǵan. Odan keıin qyrkúıek aıynda Almatyda jol jıeginde turǵan avtobýs ózdiginen sheginip ketip, tórt kólikke soǵylǵan.
