Ýkraına tarapynan Reseıdiń munaı óńdeý zaýyttaryna jasalǵan shabýyly elde úlken munaı tapshylyǵyn týdyrdy, dep habarlaıdy "Adyrna" ulttyq portaly Politico basylymyna siltep.
Basylymnyń jazýynsha, Reseıde tutynýshylar úshin dızeldik otyn baǵasy kúrt ósip ketken. Aldyńǵy kórsetkishtermen salystyrǵanda sońǵy aptada shamamen 10 paıyzǵa ósti.
Atap aıtqanda, benzın baǵasy alty aıdaǵy eń joǵary deńgeıge jetti. Jyl basynan beri olar 20 paıyzdan asa ósti. Sebebi, munaı óńdeý zaýyttaryna Ýkraınanyń drondar arqyly jasaǵan turaqty shabýyly saldarynan janarmaı qory azaıyp barady.
"Reseılik munaı óńdeý zaýyttaryna jasalǵan mundaı shabýyldar óte úlken shyǵyn men úlken krızıske ákeledi, óıtkeni janarmaı mólsheri tek azamattyq tutynýshylar úshin ǵana emes, sonymen qatar áskerı tehnıka úshin de azaıdy", dep jazdy basylym.
2023 jyly agressor el ishki naryqtaǵy tapshylyqqa baılanysty benzın men dızeldik otynnyń eksportyna tyıym salýǵa májbúr boldy. Alaıda halyqaralyq naryqta janarmaı Reseıdikine qaraǵanda qymbat boldy.
