Tolassyz jaýǵan jańbyr men qatty jeldiń saldarynan Pavlodar qalasyndaǵy 5 baǵdarsham jumys istemeı tur Onyń ústine, shatyr opyrylyp, eki adamnyń jaraqat alǵany habarlandy. Qazir kommýnaldyq qyzmet kórseýshiler qulaǵan aǵashtardan kóshelerdi tazartyp, qala sıqyn qalpyna keltirip jatyr, dep habarlaıdy "Adyrna" ulttyq portaly.
«Turǵyn úı-kommýnaldyq sharýashylyq bóliminiń málimetinshe, aýa raıynyń qolaısyzdyǵyna baılanysty qazirgi tańda Pavlodar qalasynda 5 baǵdarsham jumys istemeıdi. Apatty joıýmen 2 brıgada aınalysyp jatyr», - dep habarlady jýrnalısterge Pavlodar qalasy ákiminiń baspasóz qyzmeti.
Qulaǵan aǵashtardy jınaý jumysyn 3 brıgada men 3 mamandandyrylǵan tehnıka júrgizip jatyr.
Qalada jańbyr sýyn sorýǵa 10-nan astam arnaıy tehnıka jumyldyrylǵan.
«Sonymen qatar, qazirgi ýaqytta 5 237 tutynýshy elektr qýatynsyz qaldy: jeke tulǵalar - 4 986, zańdy tulǵalar - 251», - dep habarlady Pavlodar ákimdigi.
QazAqparattyń jazýynsha, Soltústik (Nazarbaev aýdany – Lermontov – Buqar jyraý – Toraıǵyrov kósheleri), Ońtústik (Vorýshın – ıolkovskıı kósheleri aýdany), Ortalyq (Kataev aýdany – Shókın – Nazarbaev – Tolstoı kósheleri, Tolstoı kóshesi boıy – Kishi aınalma joly), Batys (Radıozaýyt aýylynyń aýdany) stansalarda jaryq óshirilgen.
Qala men qala mańyndaǵy zalaldy joıýǵa 19 adam men 5 tehnıka jumyldyryldy.
Jylý jáne sý jelilerinde aqaý bolǵan joq.
«Pavlodar jylý jelileri» JShS, «Pavlodar-Vodokanal» JShS qalypty rejımde jumys istep tur.
"Adyrna" ulttyq portaly
