Kereku qalasynda nöserlegen jaŋbyr tögıp ötıp, qalanyŋ infraqūrylymyna ziian keltırgenı habarlandy. Ekı ortada zardap şekken tūrǧyndar bar, dep habarlaidy "Adyrna" ūlttyq portaly.
Kerekudegı tabiǧattyŋ tosyn mınez tanytuy haqynda äleumettık jelı belsendısı Esenbek Sanatūly habarlady:
- Sel bop jauǧan jaŋbyrǧa Pavlodardaǧy Artur sauda üiınıŋ qabyrǧasy men şatyry şydas bermei opyrylyp tüstı. Ol janyndaǧy jazǧy kafe men köptegen maşinalardy basyp qalǧan. Adamdar zardap şektı. Oqiǧa ornynda jedel järdemmen qūtqaruşylar jūmys ıstep jatyr, - dedı avtor.BAQ-tyŋ habarlauynşa, 1971 jäne 1975 jyly tuǧan er adam üiındı astynda qalǧan. Qol, aiaqtary synyp, bastan zaqym alǧan. Ekeuı de qalalyq auruhananyŋ jan saqtau bölımıne jatqyzyldy. Oraiy kelgende aita keteiık, aua raiyn anyqtaityn mamandar Qazaqstannyŋ köp aimaqtarynda kün kürkırep, jauyn-şaşyn bolatynyn aitady. Keşe qatty jauǧan jauyn saldarynan Almaty oblysyndaǧy jol şaiylyp, kei aimaqtarda sel jürdı.
"Adyrna" ūlttyq portaly
Ūqsas jaŋalyqtar
