«Vagner» jeke áskerı kompanııasynyń basshysy Evgenıı Prıgojın «ádilet sherýi» aıaqtalǵannan keıin alǵash ret málimdeme jasady. Onyń aýdıojazbasy «Press-slýjba Prıgojına» Telegram arnasynda jarııalandy, dep habarlaıdy «Adyrna» tilshisi.
«Intrıgalardyń oılastyrylmaǵan sheshimderdiń nátıjesinde bul bólim 1 shildede jumysyn toqtatýy kerek edi. Komandırler men jaldamalylardyń eshqaısysy Reseı Qorǵanys mınıstrligimen kelisimshartqa otyrýǵa kelispedi. Sebebi bunyń jaýyngerlik qabilettiliktiń tolyq joǵalýyna ákeletinin jaqsy bilemiz»,—dedi ol.
Aıtýynsha, áskerı kóterilistiń bolýyna Qorǵanys mınıstrligi tarapynan jasalǵan zymyran soqqysy sebep bolǵan.
«Bir kúnde 780 shaqyrymdy baǵyndyrdyq. «Vagner» tarapynan 30-ǵa jýyq jaýynger qaza tapty. Biz jasaqtyń joıylýyna jol bermeý úshin naýqan jasadyq. Buny kópshilik te talap etti. Máskeýge jetýge 200 shaqyrym qalǵan edi. Birinshi shabýyl jasaǵy artıllerııany ornalastyryp, aımaqqa barlaý júrgizgen sátte toqtadyq. Qan tókkimiz kelmedi. Óıtkeni «Vagner» eldegi úkimetti qulatý úshin emes, óz narazylyqtaryn kórsetýge bardy. Biz ne istegimiz keletinin kórsetý jetkilikti dep sheshtik»,—dep túsindirdi Prıgojın.
Eske salaıyq, 24 maýsymǵa qaraǵan túni Evgenıı Prıgojın Reseı qorǵanys mınıstrligin soqqy berdi dep aıyptap, qarýly qaqtyǵys bastalǵanyn málimdegen edi. Keıinirek oǵan qarsy qarýly kóterilis uıymdastyrý faktisi boıynsha qylmystyq is qozǵaldy. El prezıdenti áskerı búlikshilerdi satqyn dep aıyptady.
«Vagner» jasaǵy Máskeýge 200 shaqyrym qalǵanda keıin sheginetinderin málimdedi.
«Qan tógilýi múmkin, sondyqtan áskerimdi alyp ketemin»,—dedi Prıgojın.
