Qonaev qalasynda stýdent boıjetkenniń ólimine qatysty Almaty oblysynyń polıııa departamenti málimdeme jasady, dep habarlaıdy “Adyrna” ulttyq portaly.
Qonaev qalasynda jas jigitter stýdent qyzdy, uryp óltirgeni týraly habarlaǵan edik.
Aqpart boıynsha, marqumnyń esimi – Jannur, ol nebári 18 jasta bolatyn, kolledjde aspazshy mamandyǵy boıynsha oqyp júrgen.
Vedomstvo málimetinshe, Almaty qalasynyń polıııasyna Almaty oblysynyń aýmaǵyndaǵy kisi ólimi týraly habarlama 21 naýryzda túsken.
“Bul aqparatty biz dereý tekserip, nátıjesinde 2006 jyly týǵan qyzdy óltirý deregi rastaldy. Qonaev qalasynyń polıııasynda kisi óltirý faktisi boıynsha qylmystyq is qozǵaldy. Polıııa qyzmetkerleri 2001 jáne 2003 jyly týǵan eki kúdikti adamdy anyqtap, ustady”, - dedi Almaty oblysynyń PD bastyǵy Baýyrjan Álenov.
Tergeý barysynda kúdiktilerdiń 15 naýryzǵa qaraǵan túni jas qyzdy Qonaev qalasynyń shetinde ornalasqan adam júrmeıtin jerge aparyp óltirgeni anyqtaldy.
"Tergeý áreketteriniń nátıjesinde qyzdy 2 adamnyń óltirgeni anyqtaldy jáne olardyń qamaýǵa alynǵanyn habarlaımyz. QR QPK talaptaryna sáıkes, sotqa deıingi tergep-tekserý barysy týraly ózge aqparat jarııalaýǵa jatpaıdy”, - dedi Baýyrjan Álenov.
Alaıda qyzdyń týystarynyń aıtýynsha, ólimge kúdiktiler – 4 adam. Olardyń jasy – 18-21 aralyǵynda. Ekeýi ustalǵanmen, qalǵan ekeýi bostandyqta júrgen kórinedi.
