Qonaev qalasynda student boijetkennıŋ ölımıne qatysty Almaty oblysynyŋ polisiia departamentı mälımdeme jasady, dep habarlaidy “Adyrna” ūlttyq portaly.
Qonaev qalasynda jas jıgıtter student qyzdy, ūryp öltırgenı turaly habarlaǧan edık.
Aqpart boiynşa, marqūmnyŋ esımı – Jannūr, ol nebärı 18 jasta bolatyn, kolledjde aspazşy mamandyǧy boiynşa oqyp jürgen.
Vedomstvo mälımetınşe, Almaty qalasynyŋ polisiiasyna Almaty oblysynyŋ aumaǧyndaǧy kısı ölımı turaly habarlama 21 nauryzda tüsken.
“Būl aqparatty bız dereu tekserıp, nätijesınde 2006 jyly tuǧan qyzdy öltıru deregı rastaldy. Qonaev qalasynyŋ polisiiasynda kısı öltıru faktısı boiynşa qylmystyq ıs qozǧaldy. Polisiia qyzmetkerlerı 2001 jäne 2003 jyly tuǧan ekı küdıktı adamdy anyqtap, ūstady”, - dedı Almaty oblysynyŋ PD bastyǧy Bauyrjan Älenov.
Tergeu barysynda küdıktılerdıŋ 15 nauryzǧa qaraǧan tünı jas qyzdy Qonaev qalasynyŋ şetınde ornalasqan adam jürmeitın jerge aparyp öltırgenı anyqtaldy.
"Tergeu äreketterınıŋ nätijesınde qyzdy 2 adamnyŋ öltırgenı anyqtaldy jäne olardyŋ qamauǧa alynǧanyn habarlaimyz. QR QPK talaptaryna säikes, sotqa deiıngı tergep-tekseru barysy turaly özge aqparat jariialauǧa jatpaidy”, - dedı Bauyrjan Älenov.
Alaida qyzdyŋ tuystarynyŋ aituynşa, ölımge küdıktıler – 4 adam. Olardyŋ jasy – 18-21 aralyǧynda. Ekeuı ūstalǧanmen, qalǧan ekeuı bostandyqta jürgen körınedı.
Ūqsas jaŋalyqtar
