Resei prezidentı Vladimir Putin «Vagner PMK» kompaniiasynyŋ negızın qalauşy Evgenii Prigojin men ūşaq apatynda qaza tapqandardyŋ otbasyna köŋıl aitty. Būl turaly VVS jariialady, dep habarlaidy “Adyrna” ūlttyq portaly.
Putinnıŋ aituynşa, "bastapqy derekter" Tver oblysynda qūlaǧan ūşaqta "Vagner" tobynyŋ qyzmetkerlerı bolǧanyn körsetedı.
Men Prigojindı 90-jyldardyŋ basynan berı bılemın. Taǧdyry qiyn bolǧan ol ömırde öreskel qatelıkter jıberdı, qajettı nätijege de qol jetkızdı. Daryndy adam, daryndy käsıpker boldy, - dedı Putin özın-özı jariialaǧan Donesk Halyq Respublikasynyŋ basşysy Denis Puşilinmen kezdesuınde.
Aita keteiık, 23 tamyz künı keşkısın Reseidıŋ Tver oblysy maŋynda jeke menşık Embraer ūşaǧy apatqa ūşyrap, on adam qaza tapty. Onyŋ ışınde «Vagner» JÄK negızın qalauşysy ärı köşbasşysy Evgenii Prigojin de bolǧan.
