Qazaqstanmen $10 mlrd kelısımı bar. Nvidia tyŋşylyq dauynan soŋ $360 mlrd joǧaltty

188
Adyrna.kz Telegram
https://adyrna.kz/storage/uploads/TFUGlaCgvMzrLys2lQr3nulMMXhBNXxTAGpUv7ru.webp

11 qaraşada älemdegı eŋ ırı tehnologiialyq kompaniialardyŋ bırı sanalatyn Nvidia aksiialary sauda-sattyqtyŋ aşyluymen 7 paiyzdan astam qūldyrady. Būǧan bır kün būryn korporasiia prezidentı ärı bas atqaruşy direktory Djensen Huangtyŋ Qytaidyŋ tyŋşysy boluy mümkın degen äielmen nekeden tys qarym-qatynasyna qatysty tergeu bastalǧany turaly aqparat sebep bolǧan, dep habarlaidy «Adyrna» tılşısı.

Ötken jūmadaǧy sauda-sattyq qorytyndysy boiynşa Nvidia aksiiasynyŋ qūny 186,64 dollardy qūraǧan. Alaida düisenbı künı sauda sessiiasy bastalǧanda aksiia baǧasy şamamen 173 dollarǧa deiın tömendegen. Investing derekterıne säikes, täulık ışınde körsetkış 170 dollarǧa deiın tüsken.

Business Insider basylymynyŋ habarlauynşa, düisenbı künı Nvidia kompaniiasynyŋ naryqtyq kapitalizasiiasy 360 milliard dollarǧa deiın qysqarǧan.

Forbes mälımetınşe, kompaniia aksiialarynyŋ qūldyrauyna bailanysty Djensen Huang milliarderler reitingınde ekı satyǧa tömendep, 8-orynnan 10-orynǧa tüsken. Onyŋ bailyǧy 7,4 milliard dollarǧa azaiyp, 154,7 milliard dollardy qūraǧan.

AQŞ-taǧy jasandy intellekt salasyna arnalǧan negızgı chip öndıruşılerdıŋ bırın basqaratyn Huangtyŋ Qytai tyŋşysy boluy mümkın äielmen bailanysta bolǧany turaly aqparat qazan aiynda taraǧan edı. Al ötken jeksenbıde The New York Times basylymy Huangtyŋ atalǧan äielmen nekeden tys qarym-qatynasta bolǧanyn moiyndaǧanyn jäne Nvidia kompaniiasynyŋ osy jaǧdaiǧa bailanysty tergeu bastaǧanyn habarlady.

Basylymnyŋ deregınşe, arnaiy qyzmet ökılderı Huangtyŋ Singapurdan şyqqan käsıpker, özımen tegı bırdei Elis Huangtyŋ (Huang Le) Beijıŋge aqparat berıp jürgenınen habarsyz bolǧan dep eseptegen.

Djensen Huang AQŞ prezidentı Donald Trampqa jaqyn tūlǧalardyŋ bırı sanalady. Aq üi basşysy jeksenbı künı käsıpkerdı qoldap, ony «laiyqty azamat» dep atady. Sondai-aq onyŋ «elımızdıŋ igılıgı üşın orasan zor jūmys atqarǧanyn» atap öttı.

«Menıŋşe, onyŋ özın aqtaityn uäjı bar şyǧar», – dedı Tramp.

Qytai Syrtqy ıster ministrlıgı Nvidia basşysyna qarsy tyŋşylyq operasiiasyn ūiymdastyrdy degen aiyptaulardy joqqa şyǧardy. Vedomstvo ökılı Go Sziakun Qytai tyŋşysy boluy mümkın äiel turaly aqparattyŋ dälelsız ekenın jäne Qytaidy qaralauǧa baǧyttalǧanyn mälımdedı.

Tergeu jürıp jatqan kezeŋde Djensen Huang 1993 jyly ärıptesterımen bırge negızın qalaǧan kompaniiany basqarudy jalǧastyrady.

Nvidia alǧaşynda grafikalyq prosessorlar men beinekartalar öndıruşısı retınde tanyldy. Alaida soŋǧy jyldary kompaniia AQŞ pen älemdegı jasandy intellektke arnalǧan chipterdıŋ negızgı öndıruşılerınıŋ bırıne ainaldy.

2025 jyly kompaniia AQŞ-ta ırı derekter ortalyqtary jelısın qūrudy közdeitın Stargate («Jūldyzdy qaqpa») jobasyna arnalǧan Jİ üdetkışterın jetkızuşılerdıŋ bırı boldy. Būl jobany Aq üi jariialaǧan edı.

AQŞ bilıgı Nvidia kompaniiasyna jasandy intellektke arnalǧan ozyq chipterdı Qytaiǧa jetkızuge tyiym salǧan. Alaida Huangpen qarym-qatynasta bolǧan äiel basqaratyn kompaniia däl osy şekteulerdı ainalyp ötuge qatysy bar degen küdıkke ılıngen.

Eske salaiyq, mausymda Qazaqstan Ükımetı men IT-alpauyttary Firebird jäne NVIDIA jasandy intellekt salasynda $10 mlrd-tyq kelısımder paketıne qol qoiǧan bolatyn.

Al 23 qazanda Djensen Huang Astana qalasyna saparmen kelgen edı. Sapar Qazaqstannyŋ jasandy intellekt salasyndaǧy halyqaralyq yntymaqtastyǧyn nyǧaituǧa jäne eldıŋ fizikalyq jasandy intellekt (Physical AI) baǧytyndaǧy äleuetın damytuǧa arnaldy.

Pıkırler