AQŞ prezidentı Donald Tramp İrannyŋ qūrlyqtaǧy şekaralary men Kaspii teŋızı arqyly qaru-jaraq tasymaldauyna jol bermeuge baǧyttalǧan Iron Gate («Temır qaqpa») bölımşesınıŋ jūmysyn bastaǧanyn mälımdedı, dep habarlaidy «Adyrna» tılşısı.
Būǧan deiın AQŞ Qaruly küşterınıŋ Ortalyq qolbasşylyǧy İrannyŋ qaru-jaraq, qos maqsatta paidalanylatyn tehnologiialar men sanksiiaǧa ılıkken materialdardy tasymaldauyna tosqauyl qoiu jūmystaryn üilestıru üşın arnaiy jūmys toby qūrylǧanyn aitqan edı. Qūramynda 20-ǧa juyq äskeri qyzmetker men azamattyq maman bar top Florida ştatyndaǧy Tampa qalasynda ornalasqan. Al İran Qaruly küşterınıŋ qūramyna kıretın İslam revoliusiiasy saqşylar korpusynyŋ resmi ökılı Hosein Mohebi Iron Gate bölımşesı közdegen maqsatyna jete almaitynyn mälımdegen.
«Iron Gate jedel toby İran İslam Respublikasynda tolyq quatta jūmys ıstep jatyr. Būl şara tarihtaǧy eŋ auqymdy äskeri-teŋız blokadasymen ūştasyp, İranǧa tauarlardyŋ ıs jüzınde jetkızılmeuıne jäne elden önım şyǧarudyŋ derlık toqtauyna äkelıp otyr», – dep jazdy Donald Tramp Truth Social äleumettık jelısındegı paraqşasynda.
28 aqpanda AQŞ pen İzrail İran aumaǧyndaǧy nysandarǧa soqqy jasai bastaǧan. Būǧan jauap retınde İran da qarsy şabuyldar jasaǧan. Qazırgı uaqytta qaqtyǧys bäseŋdegenımen, älı de rettelmegen küide qalyp otyr. Sonymen qatar äskeri ıs-qimyldardyŋ qaita bastalu qaupı bar.
