Qaraǧandyda lift ışınde zorlyq qūrbany bola jazdaǧan jasöspırımnıŋ anasy sot ükımımen kelıspeitının aityp, mälımdeme jasady, dep habarlaidy “Adyrna” ūlttyq portaly.
Eske sala keteiık, Qaraǧandyda 24 jastaǧy er adam 14 jastaǧy qyzǧa lift ışınde azǧyndyq jasaǧan. Ol qyzdy päterıne şaqyryp, betınen süigen, ärı liftten şyǧarmai qoiǧan. Onyŋ būl äreketı beine baqylau kamerasyna tüsıp qalǧan bolatyn.
Keiın küdıktı ūstalyp, "Būzaqylyq" babymen 3 täulıkke qamauǧa alyndy.
Jäbırlenuşınıŋ anasy bolǧan jaǧdaidan keiın qyzynyŋ psihologiiasyna zaqym kelgenın aitady.
"Qyzym zorlyqtyŋ qūrbany boldy. Eseŋgırep qalǧan. Qazır podezge şyǧuǧa qorqady. Liftıge kıredı, bıraq tıptı erkekterden qorqatyn bolǧan. Jylaidy. Ol özge adamdarmen liftıge kıruge bolmaitynyn bıledı, alaida ol artynan jügırıp kelgen", – dedı anasy Almira Äbdıkärımova.
Polisiia er adamnyŋ sol podezdıŋ besınşı qabatynda tūratynyn anyqtaǧan. Keiın jergılıktı tūrǧyndar küdıktını tauyp, keşırım sūratqan. Mälım bolǧandai Qaraǧandyǧa Türkıstan oblysynan kelgen, äielı men balalary bar. Videoda ol qyzdy päterge şaqyrǧanyn jäne "aram oiy bolǧanyn" moiyndady.
"Üige şaqyrdym. Aram oiym boldy, moiyndaimyn. Būl – şyndyq. Mūny joqqa şyǧarmaimyn, barlyǧyn moiyndaimyn", – deidı ol.
Sot ükımımen er adam üş täulıkke ǧana qamaldy. Sebebı küdıktı lift ışınde fizikalyq küş körsetpegen. Alaida jasöspırımnıŋ anasy şeşımmen kelıspeidı, endı qaita aryz tüsırmek. Ol jazany qataŋdatudy sūrap otyr. Al er adam basqa jaqqa köşıp ketken.
