Kaspi.kz ökılderı instagram jelısındegı paraqşasyna halyqtyŋ kökeiınde jürgen maŋyzdy saualdarǧa jauap berdı, dep habarlaidy "Adyrna" ūlttyq portaly.
Mobildı aqşa audarymdaryna bailanysty sūraqtarǧa jıtı jauap berdı:
1. Men jeke tūlǧamyn. Menıŋ mobildı aqşa audarymym turaly derekter salyq organyna berıle me?
Joq. Bank qūpiiasyn saqtau talaptaryna säikes sızdıŋ aqşa audarymyŋyz turaly derekter salyq organdaryna berılmeidı. Sız būrynǧydai jeke maqsatyŋyz üşın aqşa audara alasyz jäne qabyldai alasyz.
Jalpyǧa bırdei deklarasiialaudy kezeŋmen engızu turaly zaŋǧa säikes käsıpkerlık qyzmettı jürgızu belgılerınıŋ bary turaly mälımetter tek 2025 jyldan bastap berıletını közdelıp otyr. 2025 jylǧa deiın JK emes jäne memlekettık qyzmetşı emes jeke tūlǧalar üşın eşteŋe özgermeidı.
2. Mobildı aqşa audarymyna şekteu qoiyla ma nemese salyq salyna ma?
Joq. Jeke tūlǧalardyŋ arasyndaǧy aqşa audarymyna salyq salynbaidy. Zaŋ jobasynda aqşa audarymyna jaŋa salyqtyŋ nemese şekteudıŋ paida bolatyny közdelmegen.
3. Eger käsıpker klientterden mobildı aqşa audarymyn alatyn bolsa, ol üşın köterıŋkı salyq töleuı kerek pe?
Joq. Zaŋ jobasynda jaŋa salyqtyŋ paida bolatyny közdelmegen.
Käsıpkerlık maqsatta mobildı aqşa audarymyn paidalanu qazırdıŋ özınde satuşylardy QR zaŋnamasyna sai salyq töleu jäne fiskaldyq chek beru mındetınen bosatpaitynyn atap ötemız.
4. Men JK ne kompaniia basşysymyn. Menıŋ mobildı aqşa audarymym turaly d
erekter salyq organyna berıle me?
Jalpyǧa bırdei deklarasiialaudy kezeŋmen engızu turaly zaŋǧa säikes jeke käsıpkerge ne kompaniia basşysyna tiesılı şottar boiynşa käsıpkerlık qyzmettı jürgızu belgılerınıŋ bary turaly mälımetter 2024 jyldan bastap berıletını közdelıp otyr.
5. Endeşe būl zaŋ jobasy ne turaly?
Zaŋ jobasy jeke tūlǧalardyŋ arasyndaǧy mobildı aqşa audarymyna qatysty emes.
Mobildı tölemder ūǧymyn jäne JK men zaŋdy tūlǧalar üşın tauarlar nemese qyzmet körsetu üşın aqyny arnaiy käsıpkerlık qyzmetke arnalǧan şottarǧa qabyldau mındetın engızu közdelıp otyr.
Mysaly, mūny tauarlar men qyzmet körsetu üşın aqy qabyldauǧa Kaspi Pay mobildı qosymşasy men Kaspi QR-dyŋ kömegımen qazırdıŋ özınde jasauǧa bolady.
"Adyrna" ūlttyq portaly
Ūqsas jaŋalyqtar
