Kınogerlerdiń Mádenıet mınıstrligine qarasty "Ulttyq kınony qoldaý memlekettik ortalyǵynyń" sheshimine narazylyǵynan Úkimet tolyq habardar bolmaı shyqty. Habardar bolǵan kúnniń ózinde jaǵdaıdy baqylaýda ustap otyrǵan joq. Premerdiń orynbasary Altaı Kólginovtiń keshegi áreketi sony kórsetti. Degenmen ol kınogerlerdi qabyldaýǵa ýáde etti. Alaıda Mádenıet mınıstri aldynda ǵana kınogerlerdi qabyldamaı, qaıtaryp jibergen. Keıbirine aıyppul salynǵan.
«QABYLDAIMYN. ATY-JÓNIN BERIŃIZ»
Ótken aıda bir top óner maıtalmandary Almatydan Astanaǵa kelip, Mádenıet mınıstrliginiń aldyna óz narazylaqtaryn bildirgen bolatyn. Alaıda elimizdegi eń jas mınıstr Ashat Oralovtyń ózi olardy qabyldamaǵan.
6 maýsymdaǵy úkimet otyrysynan keıin premer-mınıstr Álıhan Smaıylovtyń ıdeologııaǵa jaýapty orynbasary Altaı Kólginovten kınogerlerdiń máselesin suradyq. Bir qyzyǵy úkimetbasynyń orynbasary Almatydan Astanaǵa arnaıy kelgen azamattardyń máselesinen asa tanys emes bolyp shyqty.
- Bul máselemen mınıstrlik aınalysyp jatyr. Qazir men sizge jaýap bere almaımyn. Ony mınıstrlikten suraý kerek. Eger qajet bolsa, mınıstrlik jaýabyn beredi. Men qazir jaýap bere almaımyn. Olardyń talaptary qandaı ekenin qaraýym kerek, - dep Altaı Kólginov tiri sasqan.
Artynsha «Kınogerlerdi qabyldaısyz ba?» degen saýalǵa ol «Qajet bolsa qabyldaımyn, qabyldaımyn. Aty-jónin berińiz,» - dep Úkimet úıi korrıdorynda táp-táýir qalbalaqtap qaldy.
MINISTRLIK QURǴAN KOMISSIIa
Buǵan deıin bir top kınogerler "Ulttyq kınony qoldaý memlekettik ortalyǵynyń" sheshimine narazy bolyp, Almatyda mıtıngke shyqqan bolatyn. Keıin Azamat Sharǵyn, Elzat Eskendir sekildi azamattarǵa «zańsyz mıtıng ótkizdi» degen jeleýmen aıyppul salyndy.
Máselen, Azamat Sharǵyn ádiletti sheshim shyqqansha kúresetinin aıtady.
- Buǵan deıin áleýmettik jelide «Ótirikshi Oralov pa, joq álde Dáýeshov pe?» degen jazba jarııalaǵan bolatynmyn. Máselen, Mádenıet vıe-mınıstri Nurǵısa Dáýeshov 18 mamyr kúni jarııalaǵan jazbasynda «Mınıstr ótken jáne ótpegen 290 joba qaıta tekserilsin» dep tapsyrma bergenin jazdy. Biraq olar Mádenıet komıtetiniń burynǵy tóraıymy Roza Káripjanovanyń buıryǵy arqyly tek qana ótpegen 153 jobany qaıta qaraıtyn bolady. Biz sol kezde mınıstrlik tarapynan qurylǵan komıssııaǵa senimsizdik bildiretinimizdi aıttyq. Óıtkeni áý bastaǵy talabymyz boıynsha komıssııanyń quramynda bizdiń tarapymyzdan eki táýelsiz zańger jáne Qazybek Isa komıssııa tóraǵasy bolsyn dep aıtqanbyz. Biraq mınıstrlik bizdiń bul talabymyzdy oryndamady. Komıssııa quramyna Qazybek Isany kirgizdi de, mınıstrlikten 3 adam jáne kásipkerler odaǵynan bir zańgerdi alyp, jalpy 5 adamdy alyp kelip otyr. Al Qazybek Isa plenarlyq otyrystar kezinde komıssııa otyrysyna tolyq qatysa almaıdy eken. Erteń qandaı da bir másele daýysqa salynsa, 3/2 nemese 4/1 bolyp kete me dep alańdap otyrmyz. Mysaly, mınıstrlikten usynylyp otyrǵan 3 adamnyń pozıııasy arqyly sheshim 3/2 daýyspen qabyldanyp ketedi. Muny biz qalaı táýelsiz komıssııa dep aıta alamyz. Bul táýeldi komıssııa bolady. Sondyqtan da komıssııaǵa senimsizdik bildirip otyrmyz. Biraq ta komıssııa zań boıynsha qurylyp, qazir jumys istep jatyr. Biz óz tarapymyzdan birneshe talaptardy aıttyq. Biraq ony mınıstrlik oryndap jatyr ma, joq pa ony qudaı biledi», – dedi akter.
Azamat Sharǵyn «Óz basym Kólginov bizdi qabyldaıdy degenge senbeımin. Biraq qabyldasa jaqsy bolar edi» deıdi.
Qysqasy, Ashat Oralov keri qaıtarǵan kınogerlerdi Altaı Kólginov ne isteı alady, kórelik.
Serik JOLDASBAI,
"Adyrna" ulttyq portaly
