AQŞ prezidentı Donald Tramp aldaǧy künderı Qytaida Soltüstık Koreia basşysy Kim Chen Ynmen kezdesuı mümkın. Būl turaly amerikalyq köşbasşy Aziiaǧa sapary aldynda jurnalisterge bergen sūqbatynda aitty, dep habarlaidy «Adyrna» tılşısı.
Memleket basşysynyŋ saparyndaǧy alǧaşqy aialdama Filippin bolady. Tramp elge jergılıktı uaqyt boiynşa 17 qaraşa künı keşke jetedı.
Odan keiın AQŞ prezidentı Qytaiǧa attanady. 19 qaraşada Resei prezidentı Vladimir Putin jäne Qytai Halyq Respublikasynyŋ töraǧasy Si Szinpinmen üşjaqty kelıssözder ötkızu josparlanǧan.
«Bız Kim Chen Ynmen de kezdesuımız mümkın. Būl jaqsy bolar edı. Köptegen mäselede nätijege qol jetkızuge mümkındıgımız bar», – dedı Tramp jurnalisterge.
Putin jäne Si Szinpinmen kelıssözder Qytaidyŋ oŋtüstıgındegı Şenchjen qalasynda, Aziia-Tynyq mūhity ekonomikalyq yntymaqtastyǧy sammitı aiasynda ötedı. Kezdesudıŋ negızgı taqyryby iadrolyq qarusyzdanu bolmaq.
«Bız iadrolyq qarusyzdanu mäselesın talqylaimyz. Būl – kürdelı taqyryp. Öitkenı taraptardyŋ kez kelgenıne «Bız iadrolyq qaruymyzdan bas tartamyz» dep aitu öte qiyn. Äsırese, basqa elderde de iadrolyq qaru bar ekenın eskersek», – dedı Tramp 16 qaraşada.
Onyŋ aituynşa, taraptar kezdesude İran men Ukraina töŋıregındegı qaqtyǧystardy, sondai-aq ekonomika men sauda mäselelerın de talqylaidy.
Būǧan deiın tamyz aiynda Tramp Kim Chen Ynmen qarym-qatynasyna oŋ baǧa berıp, ekeuı jyl soŋyna deiın kezdesuı mümkın ekenın aitqan bolatyn. Alaida ol kezde kezdesudıŋ naqty merzımı men özge de egjei-tegjeiın jariialamady.
