Daǧystandyq azamat su tasqynynan zardap şekkender üşın bır täulık boiy jol jürıp kelgen, dep habarlaidy "Adyrna" tılşısı Stan.kz-ke sıltep.
Reseidegı Daǧystan Respublikasynyŋ tūrǧyny Omarashab Ahmedov "qiyndyq kezde bır-bırımızge qoldau körsetuımız" dep, Atyrauǧa kömek qolyn sozǧan.
"Tuysqandarym äleumettık jelıden Qazaqstannyŋ Reseimen şekaralas aimaqtarynda tasqyn sudan qorǧanys bögetın bekıtu üşın qap jetıspeidı degen aqparatty oqypty. Olar būl aqparatty maǧan jetkızdı. Sodan soŋ bauyrlas elge kömek beru üşın tanystarymnan qap ızdei bastadym. Dosymnyŋ zat saqtaityn qoimasy bar edı. Tüngı saǧat 02:00 şamasynda sol qoimadan jük tasityn GAZel kölıgıme 50 myŋ qapty tiep, jolǧa şyqtym. Atyrauǧa tezırek jetu üşın tünımen jolda jürdım", – deidı daǧystandyq azamat.Daǧystandyq azamat qoldan kelgenşe kömek berudı közdegen.
"Tūratyn elımız bölek bolǧanymen, qiyndyq kezde bır-bırımızge qoldau körsetuımız kerek. Maqsatym – tuysqan halyqtyŋ osyndai qiyndyqtan aman qaluyna ülesımdı qosu", – deidı ol.
Ūqsas jaŋalyqtar
