«Ana tılı – bırtūtas Moŋǧoliia". Ūlan-Batorda tūŋǧyş ret tıl keŋesı ötıp jatyr

218
Adyrna.kz Telegram
https://adyrna.kz/storage/uploads/f91hf0lX7O4qGC82ZIuh0O6IaPh6zPTsJZCUvIzz.webp

Moŋǧoliia astanasy Ūalan-Batorda el prezidentınıŋ bastamasymen «Ana tılı – bırtūtas Moŋǧoliia» atty alǧaşqy ūlttyq keŋes ūiymdastyryldy, dep habarlaidy “Adyrna”. 

Is-şara memlekettık saraida ötıp jatyr.

Jiynǧa eldıŋ tükpır-tükpırınen ǧalymdar, zertteuşıler, tıl jäne ädebiet mamandary, bılım beru jüiesınıŋ barlyq deŋgeiındegı pedagogter qatysuda. Olar ana tılın damytu men tıl saiasatynyŋ basym baǧyttaryn talqylap jatyr.

Keŋeste moŋǧol tılın, dästürlı jazuy men ädebietın oqytu sapasyn arttyru, oqu baǧdarlamalary men oqulyqtardy jaŋartu, bılım beru ädıstemelerın jetıldıru mäselelerıne basymdyq berıldı. Sonymen qatar ana tılı men ūlttyq mädeni mūrany keler ūrpaqqa sabaqtastyqpen jetkızu joldary qarastyryluda.

Qazır Moŋǧoliianyŋ bılım beru jüiesınde alty auqymdy reforma jüzege asyrylyp jatyr. Onyŋ negızgı baǧyttarynyŋ bırı – ana tılınde bılım berudı damytu jäne balalardyŋ mätındı tüsınıp oqu daǧdysyn qalyptastyru.

Būdan bölek, SAT halyqaralyq emtihan jüiesıne ūqsas formattaǧy qabyldau synaǧyn äzırleu jūmystary jürgızılude. Ony 2027 jyldyŋ köktemınde synaqtan ötkızu josparlanǧan. Emtihan oquşylardyŋ moŋǧol tılı grammatikasyn meŋgeru deŋgeiın ǧana emes, ana tılındegı bılımın özge akademiialyq pänderdı igeru barysynda qoldanu qabıletın de baǧalauǧa baǧyttalǧan.

Forum barysynda «Oqityn bala – oily Moŋǧoliia» atty ūlttyq bastama köterıldı. Joba balalardyŋ oqu sauattylyǧyn arttyryp, kıtap oqudy tūraqty ädetke ainaldyrudy közdeidı.

Sondai-aq moŋǧol tılınıŋ sifrlyq resurstaryn damytu mäselesı talqylandy. Atap aitqanda, dästürlı jazumen jazylǧan mätınderdı öŋdeu, orfografiialyq jäne stilistikalyq qatelerdı tekseru, kirill jäne dästürlı jazu arasyndaǧy mätınderdı türlendıru qūraldaryn äzırleu josparlanyp otyr. Būǧan qosa, söileudı tanu jäne maşinalyq audarma tehnologiialaryn jetıldıru közdelgen.

Būl bastamalar moŋǧol tılınıŋ jasandy intellekt salasynda qoldanylu aiasyn keŋeituge mümkındık bermek.

Pıkırler