Belgili kásipker Syrymbek Taý ózin ne úshin saılaýdan shettetkenin aıtty. Bul týraly ol óziniń Facebook paraqshasynda jarııalady, dep habarlaıdy “Adyrna” ulttyq portaly.
“Ardaqty Alash, qadirmendi Qazaǵym – eki-úsh kún boldy áleýmettik jelideginiń jel shyǵaratyn jalǵyz temasy Syrymbek Taý bolyp tur... Men, Sizderge máseleniń mán-jaıyn túsindire keteıin. 2004 jyly Qazaqstanǵa kóship keldim. 2006 jyldan beri turaqty tirkeýdemin. Men oqyǵan QR ATAzańynyń 51 baby, 4-shi tarmaǵynda «Qazaqstan Respýblıkasynyń azamattyǵynda turatyn «jáne» onyń aýmaǵynda sońǵy on jylda turaqty turyp jatqan adam Parlament depýtaty bola alady»-dep, anyq jazylǵan. Konstıtýııada «QR azamattyǵynda turatyn» jáne dep tur ǵoı!!! Qazaqsha uǵatyn adam retinde «azamattyǵy bar adam» saılaýǵa qatysa alady dep tur. Odan keıin jańaǵy JÁNE degen sózden keıin 10 jyl turaqty turatyn degen ekinshi oı, ekinshi talap jazylǵan. Atazańnyń osy sózine súıene otyryp, dokýment tapsyrdym. Meniń qolyma Qazaqstan respýblıkasynyń qujaty 2013-jyldyń tamyzdyń segizi kúni qolyma berildi. Biraq, Konstıtýııada tólqujat dep turǵan joq qoı. Onda azamattyǵy bar adam jáne on jyl elde turaqty turǵan adam dep jazýly tur! Aınalyp kelgende, men QR azamatymyn! Ol azdaı 10 jyldan artyq el aýmaǵynda turdym. Áli de aman bolsam tura beremin!
Qaı zańnyń, qandaı talabyna súıengenin bilmeımin IK: meniń tólqujat alǵan datasyna qarap meni saılaýdan shettetti. Ortalyq saılaý komıssııasy maǵan qııanat jasap, ádeıi burmalady deýden aýlaqpyn. Biraq, kelesi Parlamentte otyratyn azamattar osyndaı árkim ártúrli túsinetin zańdardy túzeıdi dep senem.
Kesheli beri, Syrymbek óziniń tekseristen ótpeıtinin bile tura ne úshin saılaýǵa qatysady, jurtty bosqa dúrliktiredi dep jatqan tyrnaqsha ishindegi tileýlesterime: Zańnyń shıki tusyn ashyp oqýǵa keńes berem!”, dep jazdy kásipker.
