Aqtöbedegı tūrǧyn üi keşenı men qūrylys kompaniiasynyŋ atyna şaǧym tüstı, dep habarlaidy "Adyrna" ūlttyq portaly.
Aqtöbede "Qazyna Premium" tūrǧyn üi keşenınıŋ tūrǧyndary päter kıltın ala almai jür. Sebebı 2022 jyly qūrylysy aiaqtalu kerek bolǧan päterdıŋ qabyrǧasy qalanyp, jūmys toqtaǧan.
Aötöbe qalasy Batys 2 şaǧyn audanynda bastalǧan qūrylysqa jauapty mekeme - "Jastar Qūrylys" JŞS. Nysan tölqūjatynda üidıŋ qūrylysy 2021 jyldyŋ säuır aiynda bastalǧany jazylǧan. Jospar boiynşa ǧimarat 2022 jyldyŋ jeltoqsan aiynda bıtuı kerek edı. Alaida baspanaly boluǧa ümıttı azamattar daiyn päterden emes, tek tört qabyrǧasy qalanyp, qūrylysy bıtpegen alaŋnnan söilep tūr. Aşynǧan halyq Prezident, Premer-ministr, Mäjılıs töraǧasynan kömek sūrap, beine ündeu jazdy.
"Menıŋ ündeuımnıŋ sebebı "Qazyna Premium" tūrǧyn üi keşenı, "Jastar Qūrylys" JŞS basşysy Törehanova Säule Jarylqaǧanqyzy 2021 jyly bızden qarajatymyzdy jinap alyp, "üi salyp beremız" degen. Üidıŋ bıtu merzımı 2022 jyldyŋ soŋǧy toqsany degen bolatyn. Sodan berı osy 105 päterlı tūrǧyn üi keşenınde halyqtan jinalǧan qarajattyŋ kölemı 1,5 mlrd teŋge. Qazır 2024 jyl boldy. Degenmen üidıŋ bıtetın türı joq. Bız oblys äkımdıgıne, qala äkımdıgıne, oblystyŋ qūrylys basqarmasyna, jergılıktı qūzyrly organdarǧa aryz-şaǧym tüsırdık. Bızdıŋ aryz-şaǧym aiaq-asty negızsız, eş qarausyz qalyp ketude. Oǧan jauap ta berılmeidı. Būǧan ne sebep ekenın bılmeimız!" - deidı aqtöbelık Marat Ahmetov.Azamattardyŋ sözınşe, qūrylysty aiaqtap, "päter beremın" degen azamatşanyŋ qalada bırneşe biznesı bar. Baspanaly bolamyz degen jūrttyŋ basty armany - ǧimarattyŋ qūrylysy jyldam jalǧasyp, daiyn päterge tezırek kıru.
"Men sekıldı soŋǧy qarajatyn salyp, bala-şaǧasymen päter jaǧalap, ailyǧyn päterge berıp, tūrmys keşıp otyrǧandar jeterlık. Säule hanym üidı bıtırıp beremın dese onyŋ tolyq mümkındıgı bar. Ol 1,5 mlrd qarajatqa qalanyŋ ortalyǧynan däl osyndai tūrǧyn üi keşenın salyp beremın dep 300 mln teŋgege jer satyp alǧany belgılı. Onyŋ atynda "Almas" sauda üiı bar. Odan bölek, qaladaǧy 12 möltek audanynda halyqqa qyzmet körsetıp otyrǧan meiramhanasy bar. Osylardy satsa da halyqtyŋ jan-aiqaiyn tyŋdap, üidı bıtırıp berer mümkındıgı bar. Ony ıstemei otyr", - deidı ündeu jasaǧan azamat.Aqtöbelıkter "päter beremın" dep san soqtyratyn alaiaqtarǧa qarsy qūrylys salasyna qatysty zaŋǧa tolyqtyrular men özgertuler engızudı sūraidy. Olardyŋ sözınşe atalǧan tūrǧyn üi keşınıŋ basşysyna 105 adam aqşa berıp, baspanaǧa qol jetkıze almai jür.
Ūqsas jaŋalyqtar
