پاۆلودار وبلىسىندا سۋبۇرقاقتا شومىلعان ءۇش جاسار قىزدى توك سوعىپ، جانساقتاۋ بولىمىنە ءتۇستى. بۇل تۋرالى جەدەل جاردەم ستانتسياسىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 3 ماۋسىم كۇنى ساعات 15:30 شاماسىندا اقسۋ قالاسىندا استانا كوشەسىندەگى بالالار شىعارماشىلىق سارايىنىڭ جانىندا ءۇش جاسار قىز كامەلەتكە تولماعان ۇلكەن اپكەسىمەن بىرگە سۋبۇرقاققا شومىلعان. كەيىن ءبۇلدىرشىندى توك سوققان.
ءۇش مينۋتتان وقيعا ورنىنا جەدەل جاردەم كەلگەن. جاعدايى اۋىر بالا اقسۋ قالالىق ورتالىق اۋرۋحاناسىنىڭ جانساقتاۋ بولىمىنە جاتقىزىلدى.
كۋاگەرلەردىڭ ايتۋىنشا، قىز سۋبۇرقاقتا شومىلۋ كەزىندە توك سوققان. ناۋقاستىڭ تۇسكەن كەزدەگى جاعدايى اۋىربولدى. سول سەبەپتەن جانساقتاۋ بولىمىنە جاتقىزىلدى. بارلىق قاجەتتى ەمدەۋ-دياگنوستيكالىق شارالار جۇرگىزىلدى. سانيتارلىق اۆياتسيا سالاسىنداعى ايماقتىق ماماندار كەڭەس بەردى. 21 ساعاتتان سوڭ ەسىن جيىپ، جاعدايى ورتاشا اۋىر قالىپقا كەلدى. باقىلاۋ مەن ەمدەۋ جانساقتاۋ بولىمىندە جالعاسۋدا، - دەدى ۆەدومستۆو.
