Ótken aptada elimizdiń birneshe aımaǵynda órt shyǵyp, saldarynan adam shyǵyny oryn aldy dep jazady «Adyrna» ulttyq portaly.
Tilsiz jaýdyń bul jolǵy qurbandary da balalar boldy. Osyǵan deıin Nur-Sultan qalasynyń irgesinde bolǵan órtten 5 birdeı balanyń ajal qushqany este. Aqpannyń 19-y kúni de dál osyǵan uqsas qaıǵyly oqıǵa Jambyl oblysy, Sarysý aýdanyna qarasty Jańatas qalasynda boldy. Janynda ata-anasy bolmaǵan bes birdeı búldirshin otqa orandy.
Al osydan bir kún buryn, ıaǵnı aqpannyń 18-i kúni Qyzylordada da jer úı órtenip, bes bala tútinge tunshyqqan. Oqıǵa Qyzyljarma shaǵynaýdanynda bolǵan.
Otqa oranǵan baspanadan anasy men tórt qyzy shyǵyp úlgeripti. Al 2019 jyly dúnıege kelgen sábı besigimen birge janyp ketken.
Qyzylorda men Jambyl oblysynan bólek, osy kúni Almatynyń irgesindegi Tuzdybastaý aýylynda jer úı órtenip ketti. Abyroı bolǵanda adam shyǵyny joq.
Al, Óskemende órt shyqqan turǵyn úıden 13 adam qutqaryldy. Ys tıgen 12 jasar bala aýrýhanaǵa jetkizildi. Balanyń jaǵdaıyn dárigerler qalypty dep baǵalap otyr.
