Jetısu oblysynyŋ Köksu audanynda ekı memlekettık qyzmetker qūmar oiyndarǧa qatysqany üşın qyzmetınen bosatyldy. Būl turaly prokuratura jürgızgen taldau barysynda anyqtalǧan, dep habarlaidy "Adyrna".
Tekseru nätijesınde lauazymdy tūlǧalardyŋ bukmekerlık keŋsenıŋ mobildı qosymşasy arqyly jüielı türde bäs tıkkenı belgılı boldy. Olar oiyn şottaryn jalpy somasy 7,7 million teŋgeden asatyn qarajatqa tolyqtyrǧan.
Atalǧan faktıler boiynşa prokuratura tarapynan den qoiu aktısı engızıldı. Ony qarau qorytyndysy boiynşa tärtıptık komissiia ekı lauazymdy tūlǧany qyzmetınen bosatu turaly şeşım qabyldady.
Qyzmetınen bosatylǧandardyŋ bırı – memlekettık qyzmettegı eŋbek ötılı 20 jyldan asatyn audandyq bölım basşysy.
Prokuratura ökılderınıŋ aituynşa, memlekettık qyzmetşılerdıŋ qūmar oiyndarǧa qatysuy qyzmettık ädep talaptaryna qaişy kelıp, memlekettık qyzmettıŋ bedelıne kerı äser etedı. Mūndai äreketter azamattardyŋ memlekettık organdarǧa degen senımın tömendetuı mümkın.
Prokuratura memlekettık qyzmetşılerdıŋ zaŋ talaptaryn, qyzmettık ädep normalaryn jäne mınez-qūlyq standarttaryn saqtau qajettıgın eske saldy.
