Aqmola oblysynyŋ tūrǧyny Instagram äleumettık jelısı arqyly zaŋsyz qūmar oiyndaryn ūiymdastyrǧany üşın 4 jylǧa bas bostandyǧynan aiyryldy, dep habarlaidy "Adyrna".
Sot materialdaryna säikes, äiel äleumettık jelıde arnaiy paraqşa aşyp, onda oiyndarǧa qatysuǧa şaqyratyn habarlandyrular jariialaǧan. Ol tıkelei efir arqyly karta oiyndaryn ötkızıp, är oiynǧa tört adamnan qatystyrǧan. Jeŋımpaz eŋ joǧary karta tüsken qatysuşy bolyp anyqtalǧan.
Oiynǧa qatysuşylardyŋ bäs tıgetın somasy 100 teŋgeden 2 100 teŋgege deiın bolǧan. Al ūiymdastyruşy jinalǧan qarajattyŋ belgılı bır bölıgın özıne alyp otyrǧan.
Tergeu barysynda äieldıŋ osyndai jolmen bır jyl ışınde 90,6 million teŋgeden astam zaŋsyz tabys tapqany anyqtaldy.
Sot ony Qazaqstan Respublikasy Qylmystyq kodeksınıŋ 307-baby 2-bölıgınıŋ 3-tarmaǧynda közdelgen, iaǧni zaŋsyz oiyn biznesın ūiymdastyru qylmysy boiynşa kınälı dep tanydy.
Sot ükımımen äielge 4 jyl bas bostandyǧynan aiyru jazasy taǧaiyndaldy. Sonymen qatar prokurordyŋ zaŋsyz jolmen alynǧan 90,6 million teŋgenı memleket kırısıne öndıru turaly talaby tolyq kölemde qanaǧattandyryldy.
