Nege Momyshulynda bir-aq orden bar?

1075

1964 jyly Máskeýde soǵys ardagerleriniń búkilodaqtyq konferenııasy boldy. Konferenııaǵa Qazaqstannan general Nurmaǵanbetov Saǵat bastaǵan bir top adam bardyq. Konferenııa sońynda Sovet Odaǵynyń Batyry, marshal Tımoshenko barlyǵymyzǵa "Sovet Odaǵy soǵys ardagerleri komıtetiniń qurmetti belgisi" degen medal tapsyrdy da, soldat taǵamyn tatýǵa shaqyrdy. Úlken zalda ár jerge jeke-jeke stoldar qoıylypty. Men esik jaqtaǵy bir stol basyna jaıǵastym. Jalǵyz otyryp, stolda turǵan ishimdikke emin-erkin ıelik jasap, biraz jerge de barǵan edim. Sol kezde Sovet ardagerler komıtetiniń hatshysy Maresev úsh adam ertip kelip, meniń qasyma otyrýlaryn usynyp turyp:
— Myna kisimen tanysyp qoıyńyzdar. Burynǵy partızan otrıadynyń komandıri Qaısenov, — dep tanystyrdy da, ketip qaldy. Úsheýi otyrdy. Keýdeleri tolǵan ordender men medaldar.
Bir kezde álgi úsheýiniń eń ordeni kóbi:
— Senderde, Qazaqstanda Baýyrjan Momyshulyn nege sonsha aspanǵa kóteresizder? Ol týraly kitaptar jazasyńdar. Kıno shyǵarasyńdar. Ol soǵurly Otan úshin elden erekshe ne istepti? — dep qadaldy maǵan.
— Ol Momyshulyn sender bilesińder me? — dep ózderi "sen" dep dórekilik jasap otyrǵan soń, men de "sender" dep suradym.
— Bilemiz, bilgende qandaı, bir dıvızııada, bir polkta birge boldyq, — desip jarysa jaýap qatty.
— Momyshulynan, birge bolǵanda, laýazymdaryń, áskerı shenderiń joǵary ma edi?
— Joq. Meniń shenim joǵary bolǵanmen, laýazymym birdeı edi de, myna ekeýiniń sheni de, laýazymy da tómen edi, — dedi ordeni kóbi.
— Eger senderdiń Momyshulynan laýazymdaryń joǵary bolmasa, ekeýińniń odan áskerı shenderiń tómen bolsa, birge júrip, bir polkta soǵyssańdar, nege senderdiń árqaısyńda segizden onǵa deıin orden bar da, al Momyshulynda bir-aq orden bar? — dep qadaldym. Olar jaýap bere almaı, bir-birine qarady da:
— Sonda da qazaqtar ony orynsyz dáriptep, kitaptan kitap jazyp jatyr, — dedi tútigip.
— Momyshuly týraly kitapty aldymen qazaqtar emes, Aleksandr Bek, Aleksandr Krıvıkııler — osy ózderińniń moskvalyq jazýshylaryń, tipti soǵys ýaqytynda jazdy ǵoı. Sender andaǵy keýdelerińdegi kóp ordenderińe saı batyr bolsańdar, olar senderdi nege jazbaǵan? — dep qadaldym. Olar oryndarynan turyp-turyp ketip qaldy.

 Qasym Qaısenovtyń esteliginen

Pikirler
Redakııa tańdaýy