Almatyda mıtıng ótkizip, aıyppul arqalaǵan bir top azamat Astanaǵa kelip, Mádenıet jáne sport mınıstri Ashat Oralovpen kezdeskisi kelgen. Áıtse de mınıstr múıizi qaraǵaıdaı azamattardyń aldyna shyǵyp, mán-jaıdy túsindirýdi boıyna shaq kórmedi. Memleket basshysy Qasym-Jomart Toqaevtyń «Estıtin úkimet» degen saıasatyna Ashat Ryzdyquly nege nemquraıly qarady?
Belgili akter Azamat Sharǵyn bastaǵan bir top azamat mınıstrlik ǵımaratynyń aldynda Ashat Oralovty kútti. Alaıda
«Osy jyldyń 1 jáne 30 naýryz aralyǵynda ótken Ulttyq kınony qoldaý memlekettik ortalyǵy ótkizgen irikteý konkýrsynyń ádiletsiz, óreskel zań buzýshylyqpen ótken bolatyn. Biz soǵan narazy bolyp, bir top kınogerler prezıdent pen prezıdent ákimshiligine, memlekettik keńesshi, Mádenıet mınıstrine hat joldaǵan bolatynbyz. Biraq eshqandaı reakııa bolmaǵannan keıin Almatyda mıtıngke shyqtyq. Mıtıngten keıin narazylyqqa shyqqan adamdardyń barlyǵyn polıııa bólimi shaqyryp, 70 myń men 170 myń teńgeniń aralyǵynda aıyppul salyp tastady. Al biz aıyppul tólemeıtinimizdi aıtyp, 15 táýlikke qamýdy suradyq. Biraq olar birjaqty sheshim shyǵaryp barlyǵymyzǵa aıyppul salyp tastady.
«Estıtin úkimetke» bizdiń mıtıngke shyqqannan keıingi shýymyz, narazylyǵymyz jetken bolýy kerek, Mádenıet mınıstriniń orynbasary Nurǵısa Dáýeshov áleýmettik jelide bizdiń talabymyz boıynsha belgisiz bir ýaqytqa deıin pıtchıng toqtatylatynyn málimdedi. Sondaı-aq ol tekseris júrgizý úshin táýelsiz komıssııa qurylatynyn aıtty. Biz mıtıngke shyqqan kezde táýelsiz komıssııanyń quramynda kimder bolýy kerek jáne ne nárse tekserilýi kerek degendi jazǵan bolatynbyz. Mysaly ótken 130 joba men ótpeı qalǵan 153 joba salystyrylyp, tekserilýi kerek. Óıtkeni ótken 130 jobanyń ishinde zańsyz ótken 4 joba naqty bar ekenin dáledeıtin qujattaı dálelimiz bar. Biz muny Almatyda ótken baspasóz máslıhatynda ashyq aıtqan bolatynbyz. Mine sony talqylaýǵa mınıstrlikke kelip, mınıstrmen kezdesemiz dep oıladyq. Almatydan 19 kúni shyǵyp 20 kúni astanaǵa keldik. Astanaǵa kelgendegi maqsatymyz mınıstrmen kezdesip, sóılesý bolatyn, alaıda mınıtsr qabyldamady.
Mınıstrlikke qarasty Mádjenıet komıtetiniń basshysymen kezdesip, barlyq jaǵdaıdy baıandadyq. Ol «Táýelsiz komıssııadan keıingi senderdiń talaptaryńdy bizder sheshe almaımyz. Biraq mınıstrge jetkizemiz» dep aıtty. Búgin senbi bolsa da mınıstrliktiń aldyna kelip, mınıstrdi kútip turmyz, biraq ol kelmedi», – dedi Azamat Sharǵyn.
Kınogerler jýrnalısterge mán-jaıdy túsindirip turǵanda Májilis depýtaty Erlan Saıyrov kezdesip qaldy. Azamat Sharǵyn ózderiniń qandaı talappen mınıstrlikke kelgenin depýtatqa túsindirip berdi.
«Kelesi aptada mınıstrlikke májilis depýtattary atynan hat jiberemiz. Birinshiden mundaı máselede ádilettilik bolýy kerek. Ekinshiden, biz quqyqtyq memlekette ómir súrgennen keıin zań talaptary múltiksiz oryndalýy kerek. Bul bizdiń prıptik pozıııa. Eger sizder zańsyzdyq bar dep esepteseńizder Bas prokýratýra men Anıkorǵa júginińizder», – dep aqyl keńesin aıtty.
«Balýan Sholaq» fılminiń rejıssery Nurgeldi Sadyǵulov ózderiniń ortaq ádilettilik úshin kúresip júrgenin aıtady. Sondyqtan da ol barlyq kınogerlerdiń ortaq pozıııada jumys isteýge shaqyrdy.
«Nurǵısa Dáýeshov «qujattardy teksertemiz» dep jatyr ǵoı. Bizdiń áý bastaǵy ustanymymyz osyndaǵy 5-6 jigittiń jobasyn ótkizip bersin degen talap emes. Bul jerde ortaq ádilettilik bolýy kerek. Olar osy 5-6 jigittiń jobasyn ótkizip jibereıik dep oılaýy múmkin. Ol joba odan ary óte me, ótpeı me, ol jaǵy taǵy belgisiz. Ókinishke qaraı kınogerlerdiń arasynda «olar óz jobalary úshin júgirip júr» degen túsinbeýshilik bolyp jatyr. Joq, biz bul jerde ádilettilik úshin júgirip júrmiz. Eger osy 5-6 kınogerlerdiń jobasyn ótkizip jibereıik degen áńgime bolsa, ol durys nárse emes. Bul jerde men óz áriptesterime biz ortaq ádilettilik úshin kúresip jatqanymyzdy basa aıtqym keledi. Bizdiń áý bastaǵy talabymyz esh ózgergen joq. Máselemiz jartylaı sheshilip jatyr, biraq ta talaptarymyz túbegeıli sheshilip jatqan joq. Mınıstrmen kezdesýdegi maqsatymyz qazir bolyp jatqan jaǵdaıdy durys sheshý úshin mınıstrlikke kómekteskimiz keledi», – dedi ol.
Mınıstrliktiń aldyna jınalǵan azamattardyń ishinde elge etene tanys azamattar. Mysaly Azamat Sharǵyn ár túrli serıaldarǵa túsip júrgen azamat. Sondaı-aq kınogerlerdiń arasynda Shona Smahanuly sekildi elge belgili aqynnyń uly Janserik Shonauly bar. Ashat Oralov osyndaı elge belgili azamattardyń aldyna shyqpasa, qarapaıym halyqty múlde kózge ilmeıdi ǵoı. Mundaı sheneýnikterge prezıdent «Jerge túsińder» dep aıtty emes pe?
Serik Joldasbaı
