Á.Marǵulan atyndaǵy Pavlodar pedagogıkalyq ýnıversıtetiniń tarıhshylary Keńes Odaǵynyń Batyry, Halyq qaharmany Baýyrjan Momyshulynyń Álkeı Marǵulanǵa tabystap ketken kartasyn anyqtady. Tarıhı qujat akademıktiń jeke muraǵatynan tabylǵan. Bul týraly búgin Marǵulan ýnıversıtetinde ótken konferenııa barysynda Margulan Centre arheologııalyq ortalyǵynyń qyzmetkeri Eńlik Ábeýova baıandama jasap, alǵash ret kópshilik qaýymǵa jarııalady.
Kartada Shymkent oblysynyń 1972 jylǵy ákimshilik terrıtorııasy kórsetilgen. Atalǵan tarıhı qujatty Halyq qaharmany akademık Álkeı Marǵulanǵa 1973 jyldyń jeltoqsan aıynda bergen. Mine, sodan beri jarty ǵasyr ýaqyt ótti.
Kartanyń basty betine Baýyrjan Momyshuly óz qolymen:
«Tarazyda Tastarııa,
Saıramdaǵy Sansyzbaı,
Arystanda Albarbarys,
Jýalyda Jolbarys,
Túrkistanda Túımenbap» – degen sózder bar bizdiń elde, sol sózderdiń tarıhtary tereń, astarlary jer astynda (arheologııa) jatqan bolar» - dep jazyp qoıǵan. Al kartanyń artqy betine syzba men onyń qysqasha anyqtamasyn keltirgen, ıaǵnı ata-babalary boıynsha aqparat berilgen.
-Bul qujattyń búgingi tańda tarıhı mańyzy óte zor. Sebebi 60-tan asyp, 70-ke taıaǵan kezdegi eki taý tulǵanyń arasyndaǵy qarym-qatynasy, týǵan jerine, tarıhyna degen yqylasy sezilip tur. Baýyrjan Momyshuly jer ataýlary men batyr babalary boıynsha aqparatpen bólise otyryp, ári qaraı zertteýge, tarıhty zerdeleýge, jańa maǵlumattar alýǵa qolqa salyp otyrǵandaı, - deıdi Eńlik Qabykenqyzy.
