Äleumettık jelı qoldanuşysy Orazbek Sadyqov tarazdyq imamnyŋ sadaqaǧa tüsken qarajatqa qymbat kölık satyp alǧanyn aitty, dep habarlaidy «Adyrna» tılşısı.
«Mıne, körıŋızder, meşıtke bergen pıtır sadaqa, basqa sadaqalar, qai jaqqa ketıp jatyr.. Jetımderge emes, mügedekterge emes, qinalyp jatqan janūialarǧa emes, su tasqynnan zardap şekkenderge emes. Moldalar semırgennen soŋǧy ülgıde şyqqan Lexus kölıgın alyp jatyr. VIP nömırınıŋ özı 5000 dollar tūrady deidı. Būlar da şeneunıkterdıŋ bır türı ǧoi»,—dep jazdy qaznet qoldanuşysy.
QMDB NewTimes.kz agenttıgıne videodaǧy dın qyzmetkerınıŋ «äl-Ädıl» meşıtınıŋ imamy ekenın rastady. Alaida atalǧan qymbat kölıktıŋ dın qyzmetkerınıkı emestıgın mälımdedı.
«Ramazan aiynda köptegen qazaqstandyq meşıtterde qaiyrymdylyq şaralaryn ötkızedı. Beinejazbada körsetılgen kölık keluşılerdıŋ bırıne tiesılı»,—dedı basqarma.
