Aqtóbedegi tergeý ızolıatorynda 35 jastaǵy áıeli men onyń 16 jastaǵy ulyn óltirdi degen kúdiktiniń kameranyń ájethanasynda asylyp ólgeni habarlandy.
29 naýryzda Aqtóbede jan túrshigerlik kisi ólimi oryn aldy. Qylmys Aqtóbe qalasyndaǵy Pobeda dańǵylyndaǵy №30 úıdiń páterinde jasalǵan. Kúdikti 35 jastaǵy áıeli men 16 jastaǵy ulyn óltirgeni jaıynda aıtylady. Al onyń 13 jastaǵy Sofııa aýyr jaraqat alǵan. Mektep oqýshysy shuǵyl túrde jansaqtaý bólimine jetkizilip, keıin ota jasalǵan.
Kúdikti 10 sáýirde qamaýǵa alyndy.
Endi qylmystyq atqarý júıesi komıteti kúdiktiniń tergeý ızolıatorynda óz-ózine qol jumsaǵanyn habarlap otyr.
"Qylmyskerdi túnde mekeme qyzmetkerleri anyqtady. Túrme kezekshisi dereý alǵashqy medıınalyq kómek kórsetti. Qoldanylǵan sharalarǵa qaramastan, tutqyndy aman alyp qalý múmkin bolmady. Oqıǵa ornyna jetken jedel járdem brıgadasy onyń qaıtys bolǵanyn habarlady. Oqıǵa ornyna jedel-tergeý toby keldi.
Oqıǵa QR Qylmystyq kodeksiniń 105-baby (óz-ózine qol jumsaý) boıynsha sotqa deıingi tergep-tekserý bastaldy», - dep habarlady QAJK.
Anyqtalǵandaı, qazirgi ýaqytta oblystyq departament qyzmetkerlerimen ishki aýdıt taǵaıyndaldy, onyń qorytyndysy boıynsha qoldanystaǵy zańnamaǵa sáıkes sharalar qabyldanady.
"Adyrna" ulttyq portaly
