Darıǵa Nazarbaevanyń burynǵy qudasy, kásipker Qaırat Boranbaevtyń jazasy bas bostandyǵyn shekteýge aýystyryldy. Bul týraly Aqmola oblysy Zerendi aýdandyq soty aıtty, dep habarlaıdy «Adyrna» tilshisi.
Sot kásipker aryzynyń qanaǵattandyrylǵanyn atap ótti.
Úkimdi aýystyrý kezinde kelesi mán-jaılar eskerildi:
- sottalǵan adam jaza merziminiń 1/3 bóligin (2 jyl 4 aı 5 kún) ótedi;
- memleketke keltirilgen zalaldy tolyǵymen ótep, tergeýge kómektesti jáne isine ókinedi;
- qamaýda ustaý kezinde oǵan oń sıpattama berildi.
Sot sheshimine sáıkes Boranbaev túrmeden bosatylyp, probaııalyq baqylaýǵa alynady.
Sot qaýlysy zańdy kúshine engen joq.
Eske salaıyq, buǵan deıin Qaırat Boranbaevtyń 6 jylǵa sottalǵanyn jazǵan edik. Qazaqstandyq olıgarh aqsha jymqyrý jáne qylmystyq jolmen alynǵan aqshany zańdastyrǵany úshin kináli dep tanyldy.
2023 jylǵy 31 naýryzda Qaırat Boranbaev 8 jylǵa bas bostandyǵynan aıyrylǵan edi. Jazda sot bul úkimniń kúshin joıdy, taraptar proessýaldy kelisim bekitý týraly sheshimge keldi.
